Սրտամկանի կաթվածի հիմնական ախտանշանները. ինչ է պետք իմանալ՝ ստամկանի կաթվածից խուսափելու համար

Սրտամկանի կաթվածը շատ տարածված խնդիր է, որը տարեկան հազարավոր մարդկանց կյանք է խլում: Վիճակագրությունը ցույց է տվել, որ հիվանդների 70%-ից ավելին մահանում է սրտի նոպայից հետո 48 ժամվա ընթացքում:

Սրտամկանի նեկրոզը (մեռուկ) տեղի է ունենում արյան շրջանառության խանգարման պատճառով: Հնարավոր պատճառների շարքին կարող են դասվել նաև կորոնար անոթների թրոմբոզը կամ սպազմը, որը տեղի է ունենում սթրեսի հետևանքով:

Սրտամկանի կաթվածի առաջացմանը կարող են նպաստել բազմաթիվ գործոններ: Սովորաբար այն զարգանում է սթրեսի, ծանրաբեռնվածության ու արյան մակարդելիության խանգարման հետևանքով: Այս հիվանդության առաջացման վտանգի տակ են գտնվում.

·         սրտի քրոնիկ իշեմիկ հիվանդությունից տառապող մարդիկ,

·         զարկերակային հիպերտոնիայից ու շաքարային դիաբետից տառապողները,

·         մարդիկ, որոնց աշխատանքը կապված էմոցիոնալ ծանրաբեռնվածության հետ,

·         ինչպես նաև նախկին մարզիկները:

Բացի այդ, ռիսկային գործոն կարող է համարվել նաև ժառանգականությունը, սակայն առողջ ապրելակերպ վարելով կարելի է խուսափել հետագայում առողջական բազմաթիվ լուրջ խնդիրներից:

Սրտամկանի կաթվածի հավանականության մասին է վկայում ստենոկարդիան, որը բնորոշվում է կրծքավանդակում կամ դրա ձախ հատվածում ճնշող ուժգին ցավով: Ստենոկարդիայի ցանկացած նոպա, որը տևում է ավելի քան 10 րոպե, կարող է հանգեցնել սրտամկանի կաթվածի:

Սրտամկանի կաթվածի դասական ախտանշանը կրծքավանդակի (կամ դրա միայն ձախ հատվածի) ցավն է, որը երկարատև է և ի հայտ է գալիս սթրեսի կամ ծանրաբեռնվածության ժամանակ: Սակայն եղել են դեպքեր, երբ սրտամկնի կաթվածի մասին վկայող միակ ախտանշանը ատամի կամ կրունկի ցավն է եղել:

Այս հիվցանդությունից խուսափելու համար հարկավոր է պարբերաբար խորհրդակցել բժշկի հետ և բուժզննում անցնել: Ցանկացած խնդրի դեպքում հարկավոր է անմիջապես դիմել մասնագետի օգնությանը:

Բացի այդ, Շատ մեծ նշանակություն ունի նաև առողջ ապրելակերպը: Մարդը պետք է  ֆիզիկապես ակտիվ լինի, սակայն չմոռանա նաև հանգստի մասին: Բժշիկները խորհուրդ են տալիս նաև լավատեսորեն նայել կյանքին և խոսափել սթրեսային իրավիճակներից:

Այս ամենի հետ մեկտեղ հարկավոր է հիշել նաև, որ 40 տարեկանից հետո ոչ մի դեպքում չի կարելի չարաշահել սնունդը, քանի որ դա նույնպես կարող է խիստ վնասակար լինել ստանոթային համակարգի համար:

Սրտամկանի կաթվածը լուրջ հիվանդություն է, սակայն այն ունի ախտանշաններ, որոնք թույլ են տալիս ինքնուրույն ախտորոշել խնդիրը: Այս հիվանդությունից կարելի է խուսափել՝ պարզապես օրգանիզմի տված ախտանշանների հանդեպ փոքր ինչ ուշադիր լինելով: Սովորաբար սրտամկանի կաթվածից մեկ օր առաջ օրգանիզմն արդեն սկսում է ազդանշաններ ուղարկել՝ զգուշացնելով վտանգի մասին: Այս ախտանշանները, սակայն, ոչ միշտ են միաժամանակ ի հայտ գալիս, ուստի երբեմն մարդիկ անգամ ուշադրություն չեն դարձնում դրանց: Սսրտամկանի կաթվածի մասին վկայող ախտանշանների շարքին կարող են դասվել.

·         սրտխառնոցն ու փսխումը,

·         շնչահեղձությունը,

·         հոգնածության զգացումը,

·         կրծքավանդակի մեջտեղի հատվածի ցավը,

·         պարանոցի ցավը,

·         նյարդայինությունը,

·         սառը քրտինքը,

·         սրտի զարկերի ռիթմի խանգարումը,

·         մաշկի գունատությունը,

·         շուրթերի շուրջ մաշկի կապտավուն երանգը,

·         գլխապտույտները,

·         ապշահար վիճակը:

Նյութի աղբյուրը՝ aif.ru