5 արտասովոր ախտանշան, որոնք կարող են պայմանավորված լինել կրծքագեղձի քաղցկեղով

21:15 • 10.07.18

Ներկայում տեղեկացված լինելը շատ կարևոր է, քանի որ հիվանդության ախտանշաններն իմանալն ու այն ժամանակին հայտնաբերելը զգալիորեն բարձրացնում բարեհաջող բուժման հավանականությունը:

Կրծքագեղձի քաղցկեղը բավականին տարածված հիվանդություն է, որը ժամանակին չախտորոշելը կարող է լուրջ հետևանքներ ունենալ: Մասնագետները հաճախ են նշում, որ քաղցկեղի այս տեսակի բուժման լավագույն միջոցն այն ժամանակին հայտնաբերելն է, քանի որ վաղ փուլերում հիվանդությունը բուժելն ու բարդություններից խուսափելը շատ ավելի հեշտ է:

Ձեր ուշադրությանն ենք ներկայացնում հաճախ անտեսվող 5 ախտանշան, որոնք կարող են վկայել կրծքագեղձի քաղցկեղի մասին:

1. Անբացատրելի ցավ գոտկատեղի հատվածում

Գոտկատեղի ցավերը կարող են պայմանավորված լինել տարբեր պատճառներով, սակայն քչերը գիտեն, որ դրանք կարող են վկայել նաև կրծքագեղձում չարորակ ուռուցքի առկայության մասին:

2. Երկարատև հազ

Ժամանակի ընթացքում չարորակ ուռուցքները սկսում է տարածվել մետաստազների միջոցով: Այս դեպքում ձայնի խռպոտությունն ու երկարատև հազը վկայում են այն մասին, որ կրծքագեղձի քաղցկեղը սկսել է ախտահարել նաև թոքերը և բացասաբար է ազդում շնչառության վրա:

3. Խալերի քանակի կամ գույնի փոփոխություն

Խալերը հաճախ կապված են լինում մաշկի քաղցկեղի հավանականության բարձրացման հետ, սակայն միևնույն ժամանակ դրանք կարող են լինել կրծքագեղձի քաղցկեղի մասին վկայող ախտանշաններից մեկը, ուստի հարկավոր է անպայման խորհրդակցել բժշկի հետ:

4. Հոգնածության զգացում

Քրոնիկական հոգնածությունը նույնպես կարող է պայմանավորված լինել կրծքագեղձի քաղցկեղով: Այս դեպքում հոգնածության զգացումը հաճախ ուղեկցվում է քնի խանգարումներով, դեպրեսիայով ու ցավով:

5. Միզապարկի հետ կապված փոփոխություններ

Կրծքագեղձի քաղցկեղը կարող է դառնալ նաև հորմոնալ ֆոնի փոփոխությունների պատճառ, որոնք հանգեցնում են միզուկի չորացման և անմիզապահության, ինչի հետևանքով հիվանդը չի կարողանում վերահսկել միզապարկի աշխատանքը:

Հարկ է հիշել որ օրգանիզմը միշտ զգուշացնում է հիվանդությունների առկայության մասին, ուստի անհրաժեշտ է ավելի ուշադիր լինել և անուշադրության չմատնել ակնհայտ ախտանշանները:

Բացի այդ, ոչ մի դեպքում չի կարելի զբաղվել ինքնաբուժությամբ, քանի որ դա կարող է շատ վտանգավոր լինել՝ էլ ավելի վատացնելով հիվանդի վիճակն ու հանգեցնելով լուրջ բարդությունների: Միայն փորձառու մասնագետը կարող է ճիշտ ախտորոշել հիվանդությունն ու նշանակել անհրաժեշտ բուժումը:

Նյութի աղբյուրը՝ budetezdorovy.ru