Ախտանշան, որոնք վկայում են միգրենի առկայության մասին

Միգրենով տառապող մարդկանց մոտ 75%-ը կանայք են: Միգրենը դա պուլսային գլխացավ է, որը հիմնականում լինում է  գլխի մի շրջանում: Ֆիզիկական ակտիվությունը կարող է խթանել նրա  ուժեղացումը, սակայն ախտանշանները  տատանվում են մարդու անհատական առանձնահատկություններից ելնելով,  որոնք 17-ն  են:

1. Աուրա

Միգրենով տառապող որոշ մարդկանց մոտ առաջանում է այնպիսի մի վիճակ, որը կոչվում է «աուրա»: Ամենատարածված աուրան հանդիսանում է տեսողականը. փայլող  գծեր, լաքաներ ու կետեր, որոնք կարող են փոխել իրենց  ուղղությունն ու դիրքը: Սովորաբար աուրան տևում է 5 րոպեից մինչև 1 ժամ և նախորդում է գլխացավի առաջացմանը:

2. Քնի խանգարում

Հոգնածությունն արթնանալու ժամանակ ու դժվար քնելը հանդիսանում են միգրենի հիմնական ուղղեկիցները: Որակով քնի պակասը կարող է իր հերթին ազդել  միգրենի ինտենսիվության ու հաճախականության վրա: Շատ հաճախ միգրենն ուղեկցվում է անքնությամբ, արդյունքում  մարդու մոտ առաջանում է առողջական այնպիսի վիճակ, որը դժվարէ լինում կարգավորել:

3. Քթի խցանվածություն ու արցունքոտ աչքեր

Միգրենով հիվանդների մոտ կարող է առաջանալ արցունքահոսություն ու քթանցքների խցանում:

4. Համային նախընտրությունները

Որոշ մարդկանց մոտ միգրենի նոպայի սկսվելուց առաջ  բարձրանում է որոշ մթերքների նկատմաբ պահանջը: Որպես կանոն նրանց մոտ առաջանում է շոկոլադի նկատմաբ ձգողություն:

5. Պուլսային գլխացավեր

Գլխի պուլսային ցավը հանդիսանում է միգրենի դասական ախտանշաններից մեկը: Սովորաբար այն արտահայտվում է գլխի  կոնկրետ շրջանում:

6. Աչքի ցավ

Միգրենը կարող է  արտահայտվել աչքի «հետևի» մասում ցավային զգացողությունների առաջացմամբ: Այդ ցավը հաճախակի մարդիկ վերագրում են տեսողական  հոգնածությանն ու դիմում են ակնաբույժի, որը սակայն ոչ մի կերպ չի օգնում միգրենի թուլացմանը:

7. Պարանոցի ցավ

Շատերը բողոքում են պարանոցի ցավից, որը հետո վերածվում է գլխացավի: Պարանոցի հետևի շրջանում  գլխացավից առաջ ու հետո առկա պուլսային ցավը  հանդիսանում է միգրենի վաղ ախտանշան:

8.  Զուգարանից հաճախակի օգտվելը

Եթե մարդ սկսում է հաճախակի զուգարան գնալ, ապա դա կարող է  վկայել այն մասին, որ շուտով սկսվելու են միգրենի նոպաներ: Այս ախտանշանը կարող է  հայտնվել գլխացավերի սկսելուց ինչպես 1 ժամ, այնպես էլ մի քանի օր առաջ:

9. Հորանջել

Հորանջելը հանդիսանում է ևս մեկ ախտանշան, որը վկայում  է տհաճ գլխացավի սկսելու մասին: Այն տարբերվում է «ձանձրույթի» ու «քնելու» հետևանքով առաջացած հորանջելուց, քանի որ  այս դեպքում մարդու մոտ յուրաքանչյուր  5 րոպեն մեկ ցանկություն է առաջանում կլանել ավելի մեծ քանակությամբ թթվածին:

10. Թմրություն և ծակոց

Այս 2 ախտանշանները կարող են  լինել  միգրենի սկսելուց առաջ զգայական աուրային դրսևորում: Նման զգացողություն կարող է սկսել մատների ծայրերից  և շարունակել բարձրանալ մարմնով մինչև դեմքը:

11. Սրտխառնոց ու փսխում

Միգրենով տառապողների շուրջ 73%-ի մոտ առաջանում է սրտխառնոց ու փսխում: Այս ախտանշանը, ցավոք սրտի, վկայում է սպասվող գլխացավի «հզորության» մասին:

12. Ծանրացնող հանգամանքները

Միգրենի ժամանակ մարդիկ ջանում են առանձնանալ մութ ու լուռ մի վայրում: Վառ լուսավորությունը, կտրուկ ձայներն ու անգամ հոտերը կարող են  զգալիորեն բարդացնել  առանց այն էլ տհաճ զգացողությունները, ինչպես նաև դառնալ նրա նախնական առաջացման պատճառ:

13. Խոսքի  արտահայտման դժվարություն

Խոսքի արտահայտման դժվարություը կարող է հանդիսանալ միգրենի պատճառներից մեկը: Եթե այդ ախտանշանը առաջանում է, ապա հարկավոր է դիմել բժշկի, քանի որ այն արտահայտվում է նաև կաթվածի(ինսուլտի) դեպքում:

14. Միակողմանի թուլություն

Այս դեպքում մարդու մոտ առաջանում է անգամ ձեռքը շարժելու հետ կապված դժվարություն: Մարդկանց մի մասի մոտ միգրենի գլխացավերի սկսվելուց առաջ կարող է առաջանալ մարմնի մի մասի թուլություն: Այս ախտանշանը նաև բնորոշ է ինսուլտին, այդ պատճառով հարկավոր է  ախտանշանների հայտնվելու դեպքում անմիջապես դիմել բժշկի:

15.  Գլխապտույտ ու տեսողության երկատում

Բազիլյար միգրենը կարող է առաջացնել գլխապտույտ, տեսողության երկատում և անգամ ժամանակավոր կուրություն: Որոշ մարդկանց մոտ նաև խախտվում է հավասարակշռությունը:

16. Կեղծ  խումար

Միգրենի նոպաներից հետո մարդու մոտ կարող է առաջանալ  թեթև խումարի զգացողություն, թուլություն, կոնցենտրացիայի  հետ կապված դժվարություն,  ալարկոտություն, գլխապտույտ և ընդհանուր թուլություն:

17. Դեպրեսիա  և դյուրագրգռվածություն

Տրամադրության արագ փոփոխությունը ևս կարող է  լինել  միգրենի ախտանշան: Ընկճվածությունն առաջանում է հանկարծակի, առանց որևէ լուրջ պատճառի: Դանիացի գիտնականները վերջերս  հայտնաբերել են հնրավոր գենետիկ կապը  միգրենի ու դեպրեսիայի միջև:

Աղբյուրը՝  zdorovie.com