Ինչպես խուսափել օստեոպորոզից. 10 խորհուրդ հենաշարժային համակարգի առողջության պահպանման համար

Օստեոպորոզը  առավել հաճախ զարգանում է կանանց մոտ: Չնայած որ այն ունի հստակ գենետիկ բաղադրիչներ, մարդու սննդակարգն ու կենսակերպը կարող են կանխել վերջինիս զարգացումը: Այն հաճախակի կապված է 55-ից մինչև 70 տարեկան կանանց հետ, քանի որ դա հենց այն ընթացքն է, որի ժամանակ մարդու ոսկորները դառնում են առավել փխրուն  ու դրա հետևանքով հայտնվում են կոտրման բարձր ռիսկային գոտում:

Դաշտանդադարից հետո կանանց օրգանիզմում նվազում է էստրոգենների մակարդակը, որն էլ և հանգեցնում է ոսկորներից կալցիումի դուրս բերմանը: Կանանց մոտ կալցիումի մակարդակը սկսում է նվազել 30 տարեկանից, որն էլ և նշանակում է, որ պրոֆիլակտիկ միջոցները հարկավոր է կիրառել դեռևս երիտասարդ տարիքում:

Ընդհանուր առմամբ այն հնարավոր է կանխել, եթե  աբողջ կյանքի ընթացքում  օգտագործվեն կալցիումով հարուստ դիետաններ: Այն հարկավոր է սկսել կիրառել դեռևս հիվանդության զարգացումից շատ ավելի վաղ: Այնուամենայնիվ եթե արդեն  ձեզ մոտ առկա է օստեոպորոզ, ապա հենաշարժական համակարգի առողջության համար նախատեսված այս 10 գաղտնիքները կօգնեն ձեզ ամրապնդել ձեր ոսկորներն ու ձեռք բերել օրգանիզմում կալցիումի անհրաժեշտ պաշարներ:

1. Հետևեք ձեր քաշին

Պահպանեք ձեր տարիքին ու հասակին համապատասխան քաշ: Մենք բոլորս էլ ունենք կատարյալ քաշ, որի դեպքում մենք մեզ լավ ենք զգում, այդ դեպքում խորհուրդ չի տրվում նիհարել, որպեսզի հասնեք սահմանված նորմային, քանի որ ծայրահեղությունները միշտ էլ հղի են վատ հետևանքներով:
Առհասարակ ավելորդ քաշն առաջացնում է հենաշարժական համակարգի համար ծանրաբեռնվածություն, որն էլ և դառնում է ոսկորների ժամանակից շուտ մաշվելու ու թուլության պատճառ, իսկ չափից շատ նիհարությունը, ստիպում է մեր օրգանիզմին իրեն պակասող նյութերը խլել իր մկաններից, իսկ կալցիումը ոսկորներից: Այնպես որ հարկավոր է միշտ ունենալ ներդաշնակ քաշ:

2. Վիտամին D

Այն հնարավոր է նաև սննդային հավելումների տեսքով գնել դեղատններից: Նրանք ամրացնում են ոսկորներն ու օգնում են օրգանիզմին ավելի լավ կլանել կալցիումը, որը մարդը ստնաում է սննդից: Այս վիտամինն առկա է նաև սաղմոնի ու վիտամիններով հարստացված կաթի մեջ: Վիտամինի բացակայության  դեպքում խորհուրդ է տրվում խորհրդակցել բժշկի հետ ու ընդունել  լրացուցիչ վիտամինային հավելումներ:

3. Վիտամին К-ի օգուտը

Այս վիտամինի շնորհիվ հնարավոր է վերականգնել ոսկրային հյուսվածքները: Այն առկա է սպանախի, բրոկկոլի, բազուկի տերևների, ջրկոտեմի ու հազարի մեջ:

4. Օգտակար  են արդյոք մեր ոսկորների համար կաթնաթթվային մթերքները

Կաթնամթերքի օգտակարության մասին բոլորս էլ գիտենք, սակայն այժմ վաճառքում գոյություն ունեն վիտամիններով հարստացված կաթնամթերքներ, որոնք այդքան էլ օգտակար չեն օրգանիզմի համար, իսկ կաթնաթթվային մթերքների ոչ ճիշտ պահպանման ու հավելումների օգտագործման հետևանքով, հաճախակի դրանք դառնում են օրգանիզմի համար վնասակար, այդ պատճառով ցանկալի է օգտագործել հետևյալ մթերքները:

Տոֆու
ամբողջական ձավարեղեն
յուղի մեջ սարդինա
սաղմոն
հունական յոգուրտ
Թահին (Այս տեսակի մածուկ հնարավոր է գտնել առողջ սննդի  խանութներում, այն հարուստ է կալցիումով  ու պատրաստվում է  բովված քունջութի սերմերից):

5. Զգույշ եղեք վիտամին E-ի հետ

Վերջերս կատարված հետազոտությունները խոսում են այն մասին, որ մեր օրգանիզմում վիտամին E-ի ավելցուկը կարող է դառնալ օստեոպորոզի առաջացման պատճառ: Այսպիսով, չնայած նրան, որ վիտամին E-ն հանդիսանում է հակաօքսիդանտների հիանալի աղբյուր, չարժե այն չարաշահել: Օրինակ հարկավոր չէ ամեն օր օգտագործել արևածաղկի ձեթ, կարելի է նար ձիթապտղի:

6. Խուսափեք ոսկորները քայքայող գազավորված ըմպելիքների օգտագործումից

Հարկավոր է խուսափել այդ քաղցր ըմպելիքների օգտագործումից, քանի որ նրանք իրենց բաղադրության մեջ պարունակում են թթուներ, որոնք ուղղակիրեն վնասակար են մեր ոսկորների առողջության համար: Օգտագործեք այն քիչ քանակությամբ:

7. Զգուշացեք կարմիր մսից

Կարմիր միսը հարուստ է կենդանական սպիտակուցներով, որոնք  ազատում են արյան մեջ այնպիսի թթուներ, որոնք չեզոքացնում են կալցիումը, այդ կերպ կանխելով նրանց կլանումը մեր ոսկորների կողմից: Կարող եք այն փոխարինել հավի կամ հնդկահավի մսով:

8. Մի ծխեք 

Մեր օրգանիզմի համար ամենավտանգավոր ու վնասակար սովորություններից մեկը համարվում է ծխելը: Նիկոտինը հնդիսանում է մեր ոսկորների «թշնամին», քանի որ այն կարող է թուլացնել ոսկորների ամրությունը:

9 . Սուրճը կարելի է, սակայն չափավոր քանակությամբ

Սուրճը օգտակար է այնքան ժամանակ, քանի դեռ այն օգտագործվում է չափավոր քանակությամբ` օրական 2 բաժակից ոչ ավել(մոտ 200 մլ):

10. Սպորտի կարևորությունը

Ցանկալի է, որպեսզի օրական ուենաք չափավոր քանակությամբ ֆիզիկական ծանրաբեռնվածություն ու  թեթև վարժություններ: Օրինակ ամեն օր կես ժամյա վազք, կամ շաբաթական 2 անգամ լող: Այդ ամենը կամրացնի ոսկրային զանգվածը, կպհպանի մարմնի ճկունությունն ու կբարելավի ընդհանուր ինքնազգացողությունը:

Աղբյուրը՝ gogetnews.info