Ինչի մասին է վկայում մեզի գույնն ու խտությունը

Ըստ վիճակագրության՝ կանայք ավելի են հակված միզասեռական օրգանների հիվանդություններին, քան տղամարդիկ: Մեզը 95 տոկոսով բաղկացած է ջրից: Ինչպես գրում է doctors.am-ը, մեզի անալիզի միջոցով կարելի է հայտնաբերել ամենավաղ փուլում գտնվող հղիությունը, հասկանալ, թե ինչ դեղորայքներ է ընդունում հիվանդը և թե վերջինս այսօր ինչ է կերել:

Մեզը պարունակում է պրոտեիններ, էնզիմներ, հանքանյութեր, հորմոններ և նույնիսկ վիտամիններ: Մասնագետների կարծիքով՝ շուտով մեզի անալիզի միջոցով հնարավոր կլնի ախտորորշել նույնիսկ քաղցկեղը:

Մեզի գույնը կարող է օգնել ախտորոշել բազմաթիվ հիվանդություններ: Առողջ մարդն օրվա ընթացքում արտադրում է 1-2 լիտր մեզ: Սակայն դրա ծավալը կախված է ընդունած հեղուկի քանակից, ինչպես նաև այլ գործոններից: Մեզի գույնը տատանվում է թեթևակի դեղինից մինչև խիստ շագանակագույն: Մասնագետները փաստում են, որ մեզի գույնը կախված է օրգանիզմում ջրի մակարդակից: Որքան շատ է մարդը խմում, այդքան ավելի բաց է մեզի գույնը:

Մեզի «ամենաառողջ» գույնը ծղոտի բաց գույնն է կամ թափանցիկ դեղինը: Առավոտյան բացարձակ նորմալ է, եթե մեզն ավելի մուգ է, քանի որ գիշերվա ընթացքում մենք հեղուկ չենք ընդունում: Կարմրավուն կամ վարդագույն մեզը ճակնդեղ կամ հապալաս ուտելու հետևանք է: Որոշ դեղամիջոցներ` ռիֆամպիցինը, ամիտրիպտիլինը, ինդոմետացինը, նույնպես կարող են փոխել մեզի գույնը:

Սակայն եթե գույնը փոխվում է ինքն իրեն, դա խնդրի նշան է: Նարնջագույն մեզը կարող է խոսել սաստիկ ջրազրկման մասին, երիկամներում քարերի  կամ միզուղիներում վարակի առկայության մասին: Եթե կա վարակ, ապա միզարտադրությունն ուղեկցվում է ցավով կամ այրոցով:

Շագանակագույն կամ վարդագույն  մեզը լյարդը ստուգելու անհրաժեշտության նշան է: Լյարդի հիվանդության մյուս նշաններից են որովայնի փքվածությունը, սրտխառնոցը, հոգնածությունը, արյունահոսությունների կամ կապտուկների հեշտ առաջացումը: Մեզի կարմրավուն գույնը, որը կոլա է հիշեցնում, խոսում է մեզում արյան առկայության մասին: Սովորաբար դա լինում է միզապարկի, երիկամների, շագանակագեղձի կամ միզածորանի քաղցկեղի դեպքում: Կոլա հիշեցնող գույնը նաև լինում է հեպատիտի, ենթաստամոքսային գեղձի քաղցկեղի կամ լեղածորանի բլոկադայի դեպքում: Եվս մեկ հնարավոր պատճառ դեղնուկի հետ կապված՝ բիլիրուբինի բարձր մակարդակը:  

Ինչի՞ մասին է խոսում մեզի գույնն ու խտությունը

Թափանցիկ մեզ

Հնարավոր է, որ դուք չափից շատ եք ջուր օգտագործում: Խորհուրդ է տրվում քչացնել հեղուկի օգտագործումը:

Մուգ դեղին մեզ

Ձեր օրգանիզմն ունի հեղուկի պակաս:

Վառ դեղին մեզ

Հնարավոր է, որ դուք օգտագործում եք չափազանց շատ վիտամիններ ու սննդային հավելումներ:

Կանաչավուն մեզ

Դուք սպանա՞խ եք կերել ճաշին: Որոշ մթերքներ մեզին նոր գույն, և հնարավոր է նույնիսկ նոր հոտ տան:

Վարդագույն կամ կարմիր մեզ

Եթե միզելուց առաջ բազուկ եք կերել, ապա ամեն բան նորմալ է: Սակայն եթե մեզի մեջ կան արյան հետքեր, ապա անհապաղ պետք է բժշկի դիմել:

Նարնջագույն

Հնարավոր է, որ օգտագործում եք չափազանց շատ վիտամին С:

Երկնագույն

Ամենայն հավանականությամբ, դուք հակաբիոտիկներ եք օգտագործում կամ ունեք հազվագյուտ գենետիկ խանգարում:

Մուգ դարչնագույն մեզ

Ստուգե՛ք ձեր երիկամները:

Շատ մուգ մեզ

Կարող է խոսել մելանոմայի առկայության մասին:

Սպիտակ փրփրուն մեզ

Եթե դուք միզելուց առաջ չափազանց շատ կաթ եք խմել, ապա, ամենայն հավանականությամբ, դուք ունեք միզասեռական համակարգի վարակ: Դիմե՛ք բժշկին և հանձնե՛ք անհրաժեշտ բոլոր անալիզները: