Ծերունական ծանրալսություն. ինչպես խուսափել հիվանդության զարգացումից

Գիտնականների վերջին ուսումնասիրությունները ցույց են տվել, որ տարեց մարդկանց մոտ ծանրալսության զարգացումը կարող է արագացնել ծերունական թուլամտության զարգացման գործընթացը, ուստի լսողության հետ կապված խնդիրների դեպքում բժիշկները հորդորում են անհապաղ դիմել մասնագետին:

Մարդու ականջը բավականին բարդ համակարգ է, որը բաղկացած է երեք մասից՝ արտաքին ականջից, միջին ականջից և ներքին ականջից: Այս մասերը շատ կարևոր են, քանի որ դրանց միջոցով է մարդն ընկալում ձայները: Անգամ ամենաչնչին խանգարումը կարող է դառնալ լսողության վատացման կամ կորստի պատճառ, ուստի հարկավոր է շատ ուշադիր լինել:

Սակայն տարեց մարդկանց մոտ լսողության որոշակի վատացումը գրեթե անխուսափելի է, քանի որ տարիքի հետ նվազում է ներքին ականջի խխունջում գտնվող նյարդային ընկալիչների քանակը: Բացի այդ, լսողության վատացման պատճառ կարող է դառնալ նաև ականջում արյան շրջանառության խանգարումը:

Ոմանց մոտ լսողության հետ կապված խնդիրները կարող են լինել բնածին ախտաբանություն՝ պայմանավորված լինելով գենետիկական շեղումներով, հղիության ընթացքում ի հայտ եկած վարակներով կամ դեղամիջոցների ընդունմամբ:

Մեծահասակների մոտ նման խնդիրներ կարող են առաջանալ որոշ հակաբիոտիկների ընդունման դեպքում: Բացի այդ, լսողության վրա բացասաբար է ազդում նաև աղմկոտ վայրում աշխատելը կամ բարձր երաժշտություն լսելը:

Ինչպես բարելավել հիվանդի կյանքի որակը

Լսողության հետ խնդիրներ ունեցող մարդն առաջին հերթին սկսում է վատ լսել բարձր հաճախականությամբ ձայները: Բացի այդ, մարդը կարող է ավելի վատ լսել նաև սեփական ձայնը, իսկ ֆոնային աղմուկը թույլ չի տալիս հստակ ընկալել զրուցակցի խոսքը: Նման դեպքերում հարկավոր է անհապաղ դիմել բժշկին և փորձել վերականգնել լսողությունը:

Հաճախ մասնագետները խորհուրդ են տալիս տարեց հիվանդներին կրել ձայներն ուժգնացնող ժամանակակից լսողական սարքեր:

Լսողության վատացման բուժման արդյունավետ միջոց է տզրուկաբուժությունը: Բացի այդ, գոյություն ունի ևս մի մեթոդ, որի միջոցով բժիշկները վերականգնում են հիվանդի լսողությունը անակնկալ կորստի դեպքում: Դա արվում է շոկային թերապիայի միջոցով, որի ժամանակ կիրառվում են անոթների բուժման համար նախատեսված դեղամիջոցներ և ներարկվում է մեծ չափաբաժնով նոոտրոպիլ:

Սակայն լինում են դեպքեր, երբ լսողության վատացումը պայամանավորված է լինում լուրջ խանգարումներով, ուստի միակ բուժումը վիրահատականն է լինում: Նման դեպքերում սովորաբար անց է կացվում բավականին բարդ վիրահատական պրոցոդուրա, որը թույլ է տալիս հնարավորինս վերականգնել լսողությունը:

Ինչպես ճիշտ մաքրել ականջները

Ականջները մաքրելու համար հատկավոր է օգտագործել հատուկ ականջմաքրիչ, որը չի վնասի ականջն ու չի առաջացնի կողմնակի բարդություններ: Սակայն հարկ է հիշել, որ այս կերպ կարելի է մաքրել միայն ականջի ատաքին հատվածն ու մուտքի երևացող մասը և այն էլ ոչ շատ հաճախ: Հարկ է հիշել, որ ականջամաքրիչը չափազանց խորը մտցնելու դեպքում կարող է վնասվել ականջի թմբկաթաղանթը և առաջանալ ծծմբախցան, իսկ այս դեպքում անհրաժեշտ է անհապաղ դիմել բժշկին:

Առհասարակ՝ ականջներն «ինքնուրույն» են ազատվում ծծմբից, ուստի դրանք խորհուրդ չի տրվում մաքրել: Սակայն եթե ծծումբ այնուամենայնիվ կուտակվում է, ապա բժիշկները խորհուրդ են տալիս օրական մի քանի կաթից ջրածնի պերօքսիդ կաթեցնել և 15-20 րոպե պառկել:

Ինչպես զարգացնել լսողական ընկալունակությունը

Լսողությունը վերականգնելու և վատացումից խուսափելու համար մասնագետները խորհուրդ են տալիս կատարել մի պարզ վարժություն: Հարկավոր է հանգիստ նստել, աչքերը փակել և փորձել տարբերել բոլոր ձայներն ու որոշել դրանց աղբյուրը:

Կարելի է զարգացնել լսողությունը նաև մտերիմների հետ շշուկով խոսելու միջոցով, ինչպես նաև այնպիսի զբաղմունքների օգնությամբ, որոնց համար հարկավոր է կենտրոնացնել ուշադրությունը (օրինակ՝ կարելի է նվագել, հյուսել, խաչբառ լուծել և այլն):

Բացի այդ, վերջերս ամերիկացի գիտնականները եկել են այն եզրահանգման, որ լսողության կորստից խուսափելու համար հարկավոր է կանաչ թեյ օգտագործել: Բանն այն է, որ այս ըմպելիքը պարունակում է ռեսվերատրոլ, որը պայքարում է ազատ ռադիկալների դեմ և չեզոքացնում դրանց բացասական ազդեցությունը: Ընդ որում՝ այս նյութը պարունակվում է նաև կարմիր չոր գինու և ասպիրինի մեջ:

Նյութի աղբյուրը՝ aif.ua