Երկաթով հարուստ 9 մթերք, որոնք կօգնեն խուսափել երկաթի դեֆիցիտից և բարելավել մաշկի վիճակը

Երկաթն օրգանիզմի համար ամենակարևոր տարրերից մեկն է: Սա պայմանավորված է նրանով, որ այն պատասխանատու է հեմոգլոբինի արտադրման համար, իսկ հեմոգլոբինը հարկավոր է օրգաններն ու հյուսվածքները թթվածնով հարստացնելու համար, ուստի զարմանալի չէ, որ երկաթի դեֆիցիտը կարող է դառնալ առողջական լուրջ խնդիրների՝ այդ թվում նաև անեմիայի (սակավարյունություն) առաջացման պատճառ:

Բացի այդ, երկաթը հարկավոր է նաև իմունային համակարգի ամրապնդման և մաշկի առողջության համար, քանի որ նպաստում է կոլագենի և էլաստինի արտադրմանը: Սա է պատճառը, որ բժիշկները խորհուրդ են տալիս երեխաներին, հղիներին ու 45 տարեկանից բարձր կանանց երկաթով հարուստ սննդամթերք օգտագործել:

Ձեր ուշադրությանն ենք ներկայացնում մեծ քանակությամբ երկաթ պարունակող 9 մթերք, որոնք հարկավոր է ներառել սննդակարգում երկաթի դեֆիցիտից խուսափելու և մաշկի վիճակը բարելավելու համար:

1.      Ճակնդեղ

100 գրամ հում ճակնդեղը պարունակում է 2.5 մգ երկաթ: Եփած ճակնդեղը նույնպես հարուստ է երկաթով, սակայն այդ դեպքում այս կարևոր տարրի քանակությունը զգալիորեն նվազում է, ուստի մասնագետները խորհուրդ են տալիս օգտագործել ճակնդեղը հում վիճակում:

2.      Ձվի դեղնուց

Երկաթի հարուստ աղբյուր է նաև ձվի դեղնուցը, ուստի երիտասարդ ու ձիգ մաշկ ունենալու համար խորհուրդ է տրվում հաճախ հավկիթ օգտագործել:

3.      Հացահատիկներ

100 գրամ հացահատիկը պարունակում է մոտ 5 մգ երկաթ: Ընդ որում՝ ամենաառողջարարներն են կվինոան ու վարսակը:

4.      Ընկուզեղեն

100 գրամ պնդուկի, նուշի, պիստակի կամ բրազիլական ընկույզի բաղադրության մեջ պարունակվում է 2.5 մգ երկաթ:

5.      Չրեր

100 գրամ ծիրանաչիրը, թզի չիրը, չամիչը (կորիզներով) կամ արմավը պարունակում են մոտ 2 մգ երկաթ և մի շարք այլ սննդարար նյութեր:

6.      Կանաչ տերևավոր բանջարեղեն

100 գրամ կոտեմը, ռուկոլան, սպանախը, կաղամբը կամ բորոկոլին պարունակում են մոտ 3.6 մգ երկաթ:

7.      Լոբազգիներ

Ոսպը, սև լոբին, սպիտակ լոբին և առհասարակ բոլոր լոբազգիները հարուստ են մեծ քանակությամբ մանրաթելերով, սպիտակուցներով ու երկաթով: Օրական 100 գրամ նման մթերք օգտագործելու դեպքում մարդը ստանում է միջինում 2 մգ երկաթ:

8.      Սպիրուլինա

Սպիրուլինան երկաթի լավագույն աղբյուրներից մեկն է: Բացի այդ, այն նաև պարունակում է մեծ քանակությամբ սպիտակուցներ, որոնք օրգանիզմը 4 անգամ ավելի լավ է յուրացնում, քան մսից ստացված սպիտակուցները:

9.      Սերմեր

Երկաթի հիանալի աղբյուր են նաև այնպիսի սերմերը, ինչպիսին են քունջութը, արևածաղկի ու դդմի սերմերը և այլն, ուստի երկաթի դեֆիցիտի դեպքում կարելի է նաև հաճախ սերմեր օգտագործել:

Նյութի աղբյուրը՝ curapelanatureza.com.br