Հղիության ժամանակ հանդիպող հնարավոր խնդիրներն ու կնոջ մարմնի փոփոխությունները 9 ամիսների ընթացքում

20:59 • 10.08.18

Բոլոր հղի մայրիկները հղիությունը տարբեր կերպ են հաղթահարում: Սակայն այն կանայք, ովքեր դեռ չեն մայրացել, պետք է նախօրոք իմանան, թե ինչպիսի խնդիրներ ու ինչպիսի փոփոխություններ են սպասում կնոջը հղիության 9 ամիսների ընթացքում: Հարկավոր է պատրաստ լինել և ֆիզիկական և էմոցիոնալ փոփոխությունների: Որպեսզի այդ բոլոր փոփոխություններն ապագա մայրիկների համար անակնկալ չդառնան, estet-portal.com-ը ներկայացրել է, թե ինչպիսի փոփոխություններ են սպասվում մայրիկներին այդ 9 ամիսների ընթացքում:

Հղիության 1-ին եռամսյակում համդիպող հնարավոր խնդիրները

1-ին 12 շաբաթների ընթացքում կանաց 1/5-ի մոտ հանդիպում է մի փոքր արյան տեսքով արտադրություն: Սակայն չարժե շատ անհանգստանալ: Հարկավոր է դիմել բուժող բժշկին, քանի որ պատճառները կարող են տարբեր լինել՝ վերջին դաշտանդարադից մինչև ձվաբջջի շերտազատում: Ավելորդ սպասումը (կարծելով թե ինքնին կանցնի) կարող է հանգեցնել պտղի կորստի կամ դառնալ նյարդային վիճակի պատճառ: Երբեմն որովայնի ներքևի հատվածում կարող են առաջանալ ձգող ցավեր: Դրանք կարող են մարմնի դիրքից կախված ուժեղանալ կամ թուլանալ: Շատ դեպքերում դա նորմալ է: Սակայն, եթե ցավերը մշտական են ու ուղեկցվում են արնահոսությամբ, անպայման դիմեք բժշկի:

Այդ շրջանի հաճախակի ուղեկիցը հանդիսանում է տոքսիկոզը, որը ուղեկցվում է սրտխառնոցով, փսխումով, դյուրագրգռվածությամբ, սովորական բույրերի նկատմաբ անհանդուրժողականությամբ, գլխապտույտով, հազվադեպ դեպքերում՝ ուշագնացությամբ: Այդ երևույթի դեմ հնարավոր է պայքարել կոճապղպեղի օգնությամբ:

Վերջինիս տոնուսավորող ազդեցությունը օգնում է շատ կանաց: Բժիշկը կարող է նշանակել վիտանին В6 պարունակող դեղամիջոցներ՝ դյուրագրգռվածությունից ազատվելու ու նյարդային համակարգը հանգստացնելու համար: Այդ երևույթի դեմ յուրաքանչյուր կին իր մեթոդներով է պայքարում: Կարևորը դա ժամանակավոր երևույթ է, որը միանշանակ կանցնի: Սովորաբար, այդ շրջանում, կանայք դառնում են ալարկոտ ու ցանկանում են շատ քնել: Ավելի հաճախակի են դառնում նաև այրոցի նոպանները, որոնք կարող են ուղեկցել մինչ հղիության վերջը: Դա կապված է նրա հետ, որ պրոգեստերոնը, որը արտազատվում է հղիության ընթացքում, մարմնի ներսում թուլացնում է մկանները: Այդ պատճառով աղաթթուն լցվում է կերակրափող՝ առաջացնելով գրգռվածություն: Այդ պատճառով սննդի ընդունումը պետք է լինի հաճախակի, սակայն քիչ չափաբաժնով:

Հղիության երկրորդ եռամսյակի փոփոխությունները

Հղիության 2-րդ եռամսյակում, կինն արդեն ընտելանում է իր վիճակին: Հորմոնալ վերադասավորումն արդեն դառնում է սովորական, այդ պատճառով ալարկոտությունն ու որևէ բան չանելու ցանկությունը իր տեղը զիջում է էներգետիկ և մարտական տրամադրվածությանը: Այս շրջանում մասնագետները խորհուրդ են տալիս հաճախակի զբոսնել, զբաղվել հղիների համար նախատեսված յոգայի ծրագրով կամ որևէ այլ ֆիզիկական գործունեությամբ, եթե իհարկե հակացուցումներ չկան:

Հորմոնալ փոփոխությունների արդյունքում կանաց մոտ կարող է առաջանալ փորկապություն, ներքին վերջույթների այտուցներ, գլխացավեր և նմանատիպ մի շարք այլ տհաճ երևույթներ: Կարող է ի հայտ գալ սննդամթերքի կամ բույսերի նկատմամբ ալերգիկ ռեակցիա: Նաև կարող է նկատվել մաշկի փոփոխություններ(կարող են հայտնվել շագանակագույն ու կարմիր պիգմենտային գունակներ դեմքի ու մարմնի վրա, որոնք անցնում են հղիությունից հետո):

Այս շրջանում փորիկն արդեն բավականին տեսանելի է դառնում, կուրծքը մեծանում է, ավելանում է նաև մարմնի զանգվածը: Համապատասխանաբար տեղի է ունենում ամբողջ մարմնի մաշկային ծածկույթի ձգվածություն: Որպեսզի կարողանաք խուսափել այդ խնդրից, անպայման օգտվեք հատուկ միջոցներից, քանի որ ավելի հեշտ է կանխել նրանց առաջացումը, քան բուժել դրանք:

Հղիության երրորդ եռամսյակի հրաշքները

Որքան մեծանում է փորիկը, այնքան ավելի անհամբեր են դառնում ապագա մայրիկները: Իհարկե, այդ շրջանում, գնալով ավելի դժվար է լինում սովորական գործերը կատարել ինքնուրույն(օրինակ կոշիկների կապերը կապել), սակայն դա ժամանակվոր դիսկոմֆորտ է: Որոշ կանանց մոտ հղիության շրջանում կարող է բարձրանալ ճնշումը, որը կարող է հաճախակի ուղեկցվել քրտնարտադրությամբ, ականջներում խշշոցով ու արագ սրտխփոցով: Եթե այդ վիճակը հաճախակի է կրկնվում՝ հարկավոր է դիմել ա բժշկի:

Որոշ կանաց մոտ կարող են առաջանալ նաև քնի հետ կապված խնդիրներ, բացի այդ քունը կարող է ընդատվել միզարձակման հաճախականության արագացմաբ, որը հիմնականում տեղի է ունենում պտղի կողմից միզապարկի վրա ճնշում գործադրելու հետևանքով: Որոշ կանաց մոտ կարող է առաջանալ թութք, բացի այդ կարող է առաջանալ փորկապություն, որի մասին հարկավոր է անպայման հայտնել բժշկին:

Առավելագույն հարմարավետության համար անհրաժեշտ է ընտրել հարմար հագուստ ու կոշիկ, իսկ քնելիս՝ փորի տակ դնել հատուկ բարձ:

Մարդու ինքնազգացողությունը մեծ մասամբ կախված է նաև արդեն առկա հիվանդություններից, օրգանիզմի առանձնահատկություններից, սննդից ու պահվածքից:

Հաղթահարեք այս պատասխանատու շրջանը հանգիստ ու երջանիկ: