Ձվարանների բորբոքման տեսակները, ախտանշաններն ու կանխարգելման միջոցները

Արգանդի հավելումների բորբոքման գործընթացը սկսում է արգանդափողերի բորբոքումից, իսկ այնուհետև տարածվում է և հանգեցնում ձվարանների բորբոքման: Հիվանդությունը վարակիչ է: Ախտածին միկրոօրգանիզմները կարող են ձվարաններ ներթափանցել չպաշտանված սեռական ակտի և արտաքին սեռական օրգանների վարակների ժամանակ կամ արյան միջոցով:

Մեծ մասամբ ախտածին բակտերիաները հեշտոցի թթու միջվայրում հայտնվելով ոչնչանում են, սակայն թույլ իմունային համակարգի և գերսառեցման դեպքում օրգանիզմի պաշտպանական ֆունկցիաները թուլանում են, ինչը թույլ է տալիս, որ հիվանդության հարուցիչները հայտնվեն ձվարաններում:

Հիվանդության ախտանշանները

Ձվարանների բորբոքման դեպքում հաճախ նկատվում են հետևալ ախտանշանները.

·        Ձգող ու կտրող ցավ որովայնի ստորին հատվածում,

·        Ընդհանուր թուլություն, մարմնի ջերմաստիճանի բարձրացում,

·        Բերանի խոռոչի չորություն ու տհաճ համ բերանում,

·        Ուժեղ ցավով ուղեկցվող դաշտան,

·        Տհաճ ցավոտ զգացողություններ սեռական ակտի ժամանակ,

·        Թափանցիկ կամ կանաչավուն հեշտոցային արտադրություն, որը հաճախ դառնում է քորի և գրգռվածության պատճառ,

·        Անկանոն դաշտանային ցիկլ, մեծ քանակությամբ արյան կորուստ դաշտանի ժամանակ,

·        էրիթրոցիտների նստեցման արագության ցուցանիշի բարձրացում և լեյկոցիտների քանակության ավելացում,

·        սրտի զարկերի արագացում, ականջներում լսվող աղմուկ, գլխապտույտներ:

Հիվանդության տեսակները

Սուր բորբոքում

Այս տեսակին բնորոշ է հիվանդության սուր սկիզբը՝ բարձր (մինչև 40 °C) ջերմությամբ ու որովայնի ստորին հատվածի ուժեղ ցավը, որը տարածվում է նաև գոտկատեղի և հեշտոցի հատվածում և ուժեղանում է անգամ ամենաչնչին ֆիզիկական ծանրաբեռնվածության դեպքում: Վառ արտահայտված են նաև օրգանիզմի ինտոքսիկացիայի ախտանշանները (սրտխառնոց, փսխում, ախորժակի կորուստ, դող):

Բուժման բացակայության դեպքում նկատվում է կանաչավուն տհաճ հոտով արտադրություն, ինչը նշանակում է որ արգանդափողերում թարախ է առաջանում: Սա կարող է հանգեցնել ձվարանի քայքայման ու անպտղության: Բացի այդ, որովայնի խոռոչում հայտնվելու դեպքում թարախը կարող է դառնալ պերիտոնիտի առաջացման պատճառ, ինչը կարող է վտանգավոր լինել կյանքի համար: Սակայն այս տեսակն ամենից հեշտն է ախտորոշվում և բուժվում:

Լատենտ (գաղտնի) տեսակ

Այս դեպքում ախտանշանները բացակայում են կամ շատ թույլ են արտահայտված (թույլ գլխացավ, թուլություն, տհաճ զգացողություններ որավայնի ստորին հատվածում, նախադաշտանային սթրես, սթրես), սակայն լատենտ տեսակը կարելի է հայտնաբերել միայն վերջին փուլում, երբ օրգանիզմում տեղի ունեցած փոփոխություններն անդառնալի են լինում: Սա է պատճառը, որ հարկավոր է պարբերաբար բուժզննում անցնել:

Քրոնիկական

Զարգանում է լատենտ տեսակը չհայտնաբերելու կամ սուր բորբոքումը նորմալ չբուժելու հետրանքով: Դրսևորվում է մարմնի ենթատենդային ջերմաստիճանով (37,5-38°C), թուլությամբ, սրտխառնոցով, պարբերաբար ի հայտ եկող արտադրությամբ և որովայնի ստորին հատվածի մշտական թույլ ցավով: Երբեմն նկատվում են նաև դաշտանային ցիկլի խանգարումներ:

Հաճախ ձվարանների քրոնիկ բորբոքման է հանգեցնում որովանի ստորին հատվածի գերսառեցումը: Հենց այս տեսակն է ամենից հաճախ դառնում արգանդափողերում կպումների առաջացման և անպտղության պատճառ:

Հիվանդության բուժումից հետո ինքնազգացողությունը բարելավելու համար հարկավոր է հետևել բժիշկների որոշ խորհուրդներին:

•        Կլիմաթերապիա և հանգիստ. առողջությունը և իմունային համակարգը վերականգնելու համար հեռու ճանապարհորդություններ պետք չեն, քանի որ նման հանգիստը նույնպես կարող է սթրես լինել օրգանիզմի համար: Ծովային ու լեռնային հանգստավայրերը կարող են հիանալի տարբերակ լինել: Ընդ որում՝ հանգստի ժամանակ ցանկալի է բուժվել բուժական ցեխով ու հանքային ջրով, այցելել մերսման սրահներ ու հիշել ֆիզիոպրոցեդուրաների մասին:

•        Հորմոնալ թերապիա. հորմոնալ հակաբեղմնավորիչներն օգնում են կարգավորել դաշտանային ցիկլը և բերելավել ձվարանների ռեգեներացիան:

•        Հիվանդության կանխարգելման համար հարկավոր է խուսափել ցրտից:

•        Պաշտպանված սեռական ակտը կօգնի խուսափել ձվարանների բորբոքմանը նպաստող հիվանդություններից:

•        Բացի այդ, ժամանակին փոքր կոնքի բորբոքային հիվանդություններից ազատվելը կօգնի ազատվել նաև ձվարանների բորբոքման հանգեցնող հիվանդություններից:

Նաև հարկ է հիշել, որ առողջական խնդիրներից խուսափելու համար առաջին հերթին հարկավոր է հիշել պարբերաբար պրոֆիլակտիկ բուժզննում անցնելու մասին, քանի որ հիվանդությունները վաղ փուլերում բուժելը շատ ավելի հեշտ է:

Նյութի աղբյուրը՝ lisavika.ru