Որ ախտանշաններն են վկայում վահանաձև գեղձի աշխատանքի խանգարման մասին

Վահանագեղձի հիվանդությունները ներկայում բավական տարածված են, ուստի օրգանի աշխատանքի խանգարման մասին վկայող ախտանշաններն իմանալը շատ կարևոր է:

Նման խանգարումներն առավել հաճախ ի հայտ են գալիս կանանց մոտ, քանի որ նրանց օրգանիզմում հաճախ են տեղի ունենում հորմոնալ փոփոխություններ (սեռական հասունություն, հղիություն, դաշտանադադար և այլն), սակայն սա չի նշանակում, որ տղամարդկանց մոտ նման խնդիրներ չեն առաջանում :

Մասնագետները նշում են, որ բազմաթիվ հիվանդություններից հնարավոր կլինի խուսափել՝ պարզապես հիվանդության ախտանշաններն իմանալու և ժամանակին միջոցներ ձեռնարկելու դեպքում, քանի որ խնդրի զարգացումը կանխարգելելն ու վաղ փուլերում բուժելը շատ ավելի հեշտ է, քան հետագայում դրա հետևանքով առաջացած լուրջ բարդությունների դեմ պայքարելը:

Ձեր ուշադրությանն ենք ներկայացնում վահանագեղձի աշխատանքի խանգարումների մասին վկայող հիմնական ախտանշանները, որոնք կօգնեն ժամանակին հայտնաբերել հիվանդությունն ու կանխել դրա հետագա բարդացումը:

·         հոգնածության զգացողությունը՝ անգամ անմիջապես արթնանալուն պես,

·         անտարբերությունը, ճնշվածությունը, ընկճախտը և նմանատիպ այլ խանգարումները,

·         կտրուկ անբացատրելի նվազումը կամ ավելացումը,

·         մկանային ցավերն ու հոդացավերը, որոնք անհանգստացնում են անգամ հանգստից հետո,

·         մազերի հետ կապված խնդիրները (մազաթափությունը, մազերի թուլացում, ճյուղավորում, չորություն, գլխամաշկի թեփոտվածություն և այլն),

·         ձայնի խռպոտությունը և կլման ակտի դժվարացումը,

·         զարկերակային ճնշման սպոնտան բարձրացումը,

·         սրտի զարկերի արագացումը,

·         մարմնի ջերմաստիճանի աննշան բարձրացումը, որը չի կարգավորվում մի քանի օր կամ անգամ մի քանի շաբաթ շարունակ,

·         քնի խանգարումները (քնկոտություն, անքնություն և այլն),

·         վահանագեղձի հատվածում առաջացած այտուցվածությունը, որը տեսանելի է անգամ անզեն աչքով:

Նման ախտանշանների առկայության դեպում հարկավոր է անհապաղ դիմել բժշկին, քանի որ վահանաձև գեղձի աշխատանքի խանգարումները կարող են դառնալ առողջական լուրջ խնդիրների առաջացման պատճառ: Հարկ է հիշել, որ այս գեղձը շատ լուրջ ֆունկցիա է կատարում, ուստի դրա հետ կապված ցանկացած խնդիր խիստ բացասաբար է ազդում ամբողջ օրգանիզմի վրա: Սա է պատճառը, որ հարկավոր է շատ ուշադիր լինել, չզբաղվել ինքնաբուժությամբ և ժամանակին դիմել մասնագետին՝ հետագա խնդիրներից խուսափելու համար

Նյութի աղբյուրը՝ med2.ru