Ոտքերի արյան շրջանառության առաջացման պատճառները, ախտանշանները և խորհուրդներ ընդամենը 20 օրում խնդիրը բարելավելու համար

Երակների վարիկոզ լայնացման կանխարգելման ու բուժման համար հարկավոր է առաջին հերթին բարելավել որտքերի արյան շրջանառությունը: Ընդ որում՝ սա վերաբերում է նաև երակներում արյան հոսքին, քանի որ արյունը հենց երակներով է հոսում դեպի սրտամկանը:

Ոտքերի արյան շրջանառության խանգարումները կարող են պայմանավորված լինել շաքարային դիաբետով, սրտանոթային հիվանդություններով, ավելորդ քաշով, ինչպես նաև մի շարք այլ խանգարումներով կամ գենետիկական նախատրամադրվածությամբ: Խնդրի առաջացման իրական պատճառը կարող է պարզել միայն բժիշկը, որն էլ կնշանակի համապատասխան բուժումը:

Արյան շրջանառության խանգարման ընդհանուր ախտանշանները

Արյան շրջանառության խանգարման առաջին ախտանշաններն են անոթային «աստղիկները», պարբերաբար առաջացող ջղաձգումներն ու ոտքերի ծանրության զգացողությունը: Նաև հարկավոր է հաշվի առնել, որ նման խնդիրները հաճախ ուղեկցվում են մի շարք ընդհանուր ախտանշաններով, որոնց մասին հարկավոր է տեղեկացնել բժշկին: Այդ ախտանշանների շարքին են դասվում.

·         ոտքերի մաշկի վրա կարմիր կետերի առաջացումը,

·         մաշկի չորությունը,

·         կոճերի այտուցվածությունը,

·         մազերի ու եղունգների փխրունությունը,

·         հոգնածության զգացողությունը,

·         քնկոտությունը:

7 խորհուրդ՝ ոտքերի արյան շրջանառությունը բարելավելու համար

1.      Խթանել արյան շրջանառությունը հալվե վերայի միջոցով

Այս բնական միջոցը ոչ միայն խթանում է արյան շրջանառությունը, այլև օգնում է, որ ոտքերն ավելի լավ հանգստանան: Արդյունքում՝ մարդն ազատվում է հոգնածության ու ծանրության զգացումից և տհաճ ծակծկոցից:

Հարկավոր է հալվեի մի ճյուղը դնել սառցարան և սառեցնել այն, այնուհետև լվանալ ոտքերը, նստել որևէ հարմարավետ տեղ և դնել ոտքերն աթոռի վրա: Սառած հալվեի ճյուղը կտրատել և դրա մեջ եղած գելով մերսել ոտքերը՝ շարժվելով կոճերից դեպի ծնկները:

2.      Թեյ ալոճենու պտուղներով

Ալոճենին արյան շրջանառության խանգարումների ու արյան գերճնշման բուժման համար ամենահաճախ օգտագործվող բույսերից մեկն է: Շաբաթական 4-5 անգամ այս թեյն օգտագործելը կարող է շատ արդյունավետ լինել, քանի որ այն հարուստ է մի շարք օգտակար նյութերով:

Այս բույսը հարուստ է տանիններով, ֆլավոնոիդներով ու պեկտիններով, ուստի հիանալի հանգստացնող միջոց է: Այդ նյութերի շնորհիվ այն մաքրում է օրգանիզմը շլակներից՝ կանխելով հեղուկի կուտակումը:

Սակայն հարկ է հիշել, որ օրական կարելի է օգտագործել միայն 1 գրամ ալոճ (թեյ պատրաստելու համար): Բացի այդ, սրտի հիվանդությունների բուժման համար նախատեսված դեղամիջոցների ընդունման դեպքում հարկավոր է մինչ այս թեյն օգտագործելը խորհրդակցել բժշկի հետ:

3.      Ֆիզիկական վարժություններ

Շատերը մտածում են, որ չունեն ֆիզիկական վարժությունների կարիք, քանի որ օրվա ընթացքում ակտիվ են լինում, սակայն դա այդպես չէ: Օրգանիզմին հարկավոր են ֆիզիկական վարժություններ, քանի որ նման ակտիվությունը հարստացնում է արյունը թթվածնով ու կարգավորում սրտի ռիթմը: Սա է պատճառը, որ բժիշկները միշտ խորհուրդ են տալիս.

·         Նստած ախատանքի դեպքում յուրաքանչյուր կես ժամը մեկ մի փոքր քայլել:

·         Երկար ժամանակ նստած անցկացնելու դեպքում օգտագործել ոտքերի համար նախատեսված հատուկ տակդիր, որընաև կօգնի կատարել մի շարք օգտակար վարժություններ:

·         Հնարավորինս շատ քայլել, չօգտվել վերելակից և հնարավորության դեպքում չօգտվել նաև ավտոմեքենայից ու հասարակական տրանսպորտից:

·         Օրական առնվազն 20 րոպե տրամադրել արագ քայքով զբոսնելուն:

4.      Կալիումով հարուստ սննդամթերք

Կալիումով հարուստ սննդամթերքը դրական ազդեցություն է ունենում արյան շրջանառության վրա և թույլ է տալիս ազատվել կուտակված հեղուկից, ուստի հարկավոր է սննդակարգում ներառել այնպիսի սննդամթերք, ինչպիսին են.

·         դդմի, արևածաղկի, քունջութի սերմերը,

·         բանանը,

·         ավոկադոն,

·         ջրիմուռները,

·         կակաոյի փոշին (բարձրորակ և առանց հավելումների),

·         բողկը,

·         բրոկոլին,

·         գազարը,

·         լոլիկը,

·         դդումը:

5.      Քնել՝ ոտքերը մի փոքր վեր բարձրացրած

Շատ օգտակար է նաև քնելիս ոտքերը մի փոքր բարձր տեղ դնելը: Կարելի է ոտքերի տակ բարձ դնել, որպեսզի դրանք գլխի համեմատ գոնե 15սմ բարձր լինեն: Սա կօգնի բարելավել արյան շրջանառությունը և առավոտյան ինքնազգացողությունը նույնպես զգալիորեն կբարելավվի:

6.      Նախաճաշին խմել նարնջի և գազարի հյութ

Շատ օգտակար կլինի ամեն առավոտ արթնանալուն պես նարնջի ու գազարի թարմ քամած հյութ խմելը: Այդ հյութին մի փոքր կոճապղպեղ ավելացնելու դեպքում կարելի է ստանալ սրտամկանի ու անոթների առողջությունը պահպանող հիանալի ըմպելիք:

7.      Մերսում խնկունու (розмарин) յուղով

Այս մերսումը կարելի է սովորել ինքնուրույն անել կամ դիմել ֆիզիոթերապևտի կամ որակավորված մերսողի օգնությանը: Այս պրոցեդուրան կօգնի ազատվել հեղուկի ավելցուկից, որը կուտակվում է ոտքերի հյուսվածքներում, և բարելավել ստորին վերջույթների արյան շրջանառությունը:

Նյութի աղբյուրը՝ steptohealth.ru