Արյան շրջանառության խանգարման մասին վկայող 14 հիմնական ախտանշաններն ու բնական միջոց, որը կօգնի կարգավորել արյան հոսքը

Մարդկային օրգանիզմը, որը պարունակում է ավելի քան 5 լիտր արյուն, անդադար աշխատում է, սակայն արյան շրջանառության խանգարումները կարող են լրջորեն վնասել գլխուղեղը, սիրտը, լյարդը, երիկամներն ու վերջույթները: Արյան շրջանառությունը նպաստում է օրգանների բնականոն աշխատանքին, սնուցում է օրգանիզմը անհրաժեշտ սննդարար նյութերով ու հորմոններով, կարգավորում է pH բալանսը և առհասարակ մասնակցում է օրգանիզմում տեղի ունեցող բազմաթիվ գործընթացներին: Սա է պատճառը, որ արյան շրջանառության խանգարումներից խուսափելու համար հարկավոր է խնամել ու մաքրել զարկերակներն ու երակները:

Արյան շրջանառության խանգարման դեպքում արյունը չի հասնում մարմնի որոշ հատվածներին: Նման խանգարումները կարող են պայմանավորված լինել անոթներում նստվածքի ու գնդիկների կուտակումներով և այլ գործոններով, որոնք արգելակում կամ սահմանափակում են արյան հոսքը: Բացի այդ, արյան շրջանառության խանգարման պատճառ կարող են դառնալ նաև առողջական որոշ խնդիրները, որոշ սովորությունները և նույնիսկ հղիությունը:

Արյան շրջանառության խանգարումը կարող է ախտորոշվել տարբեր տարիքի անձանց մոտ և ժամանակին քայլեր չձեռնարկելու դեպքում հնարավոր է զարգանան առողջական լուրջ խնդիրներ: Այս խնդիրն առավել հաճախ առաջանում է տարեց մարդկանց մոտ, սակայն սա չի նշանակում, որ երիտասարդ տարիքում պետք չէ հոգ տանել օրգանիզմի մասին:

Արյան շրջանառության խանգարման ախտանշանները

Արյան շրջանառության խանգարումը համարվում է «լուռ մարդասպան», քանի որ սովորաբար զարգացման վաղ փուլերում այս հիվանդությունն ընթանում է առանց ախտանշանների և ի հայտ է գալիս միայն արդեն չափազանց խորացած ժամանակ:

Ձեր ուշադրությանն ենք ներկայացնում արյան շրջանառության խանգարման ամենատարածված ախտանշանները.

1.      Ոտքերի խոցեր

Արյան շրջանառության խանգարումների դեպքում կարող են առաջանալ խոցեր կամ ցան, որոնք չեն ապաքինվում երկար ժամանակ: Նման խնդրից խուսափելու համար խորհուրդ է տրվում ավելի ուշադր լինել և հետևել ոտքերի մաշկի վիճակին:

2.      Այտույցներ

Եթե արյան շրջանառության խանգարումը սկսում է ազդել երիկամների վրա, ապա կարող են առաջանալ անոմալ այտուցվածություններ, ուստի ոտքերի ու ձեռքերի այտույցների դեպքում հարկավոր է շատ ուշադիր լինել:

3.      Մաշկի գույնի փոփոխություններ

Եթե արյունը երակներով լավ չի հոսում, ի հայտ են գալիս մաշկի գույնի փոփոխություններ: Այս երևույթն անվանվում է նաև ցիանոզ: Նման դեպքերում ձեռքերի ու ոտքերի մատները կարող են ստանալ կապտավուն երանգ:

4.      Երակների վարիկոզ լայնացում

Արյան վատ շրջանառության պատճառով երակներում ճնշումը մեծանում է, ինչի հետևանքով մաշկին մոտ գտնվող երակնեը սկսում են ուռել: Երակների վարիկոզ լայնացումը կարող է դրսևորվել թույլ ցավով և քորով: Հիմնականում այս խնդիրն ի հայտ է գալիս ոտքերի հատվածում:

5.      Մազերի և եղունգների կորուստ ու փխրունություն

Մազերի ու եղունգների չորությունը, փխրունությունն ու կորուստը անհրաժեշը սննդարար նյութերի պակասի ամենավառ ախտանշանն են: Բացի այդ, կարող է նկատվել նաև մաշկի չորություն ու այրոցի զգացողություն:

6.      Մարսողական խնդիրներ

Արյան շրջանառության խանգարումը բացասաբար է ազդում բոլոր օրգանների վրա և մարսողական համակարգը նույնպես բացառություն չէ:

7.      Իմունային համակարգի թուլություն

Օրգանիզմի՝ ախտածին մանրէների դեմ պայքարելու կարողութունը նույնպես կախված է արյան հոսքի արագությունից, ուստի արյան շրջանառության խանգարման դեպքում օրգանիզմի համար ավելի դժվար է լինում հիվանդույթունների դեմ պայքարելը, իսկ վերքերն ու վնասվածքները սկսում են ավելի դանդաղ ապաքինվել:

8.      Ոտքերի ու ձեռքերի սառնություն

Արյան բնականոն հոսքն օգնում է պահպանել մարմնի բնականոն ջերմաստիճանը, սակայն երբ այն դանդաղում է առաջանում է սառնության զգացողություն: Որպես կանոն՝ արյան շրջանառության խանգարման դեպքում սառնությունն առաջին հերթին նկատվում է նյարդային վերջավորություններով հարուստ հատվածներում (օրինակ՝ ձեռքերն ու ոտքերն)

9.      Հոգնածություն

Արյան շրջանառության խանգարման դեպքում մկանները բավական քանակությամբ թթվածին ու սննդարար նյութեր չեն ստանում և մարմինն ավելի արագ է հոգնում: Այս ախտանշանն ուղեկցվում է հևոցով, էներգիայի պակասով ու մկանային ցավերով:

10.  Էրեկտիլ դիսֆունկցիա

Արյան շրջանառության խանգարման դեպքում տղամարդկանց մոտ կարող է խանգարվել նաև արյան հոսքը դեպի վերարտադրողական օրգանները: Ժամանակի ընթացքում տղամարդու համար ավելի ու ավելի դժվար է լինում սեքսով զբաղվելը, ինչի հետևանքով կարող է առաջանալ էրեկտիլ դիսֆունկցիա:

11.  Ստենոկարդիա

Ստենոկարդիայի հիմնական ախտանշանը կրծքի հատվածի սաստիկ ցավն է: Բացի այդ, արյան հոսքի թուլացումը կարող է առաջացնել կրծքավանդակի հատվածում սեղմվածության զգացողություն:

12.  Ախորժակի կորուստ

Բավարար քանակությամբ արյուն ստանալու դեպքում Լյարդը պատասխանատու է գլխուղեղին քաղցածության մասին ազդանշան ուղարկելու համար: Սա է պատճառը, որ արյան շրջանառության խանգարման դեպքում հաճախ նկատվում է ախորժակի կորուստ, ինչն էլ հանգեցնում է քաշի կորստի:

13.  Խնդիրներ՝ կապված մտքի, հիշողության ու ուշադրության կենտրոնացման հետ

Գլխուղեղի բնականոն աշխատանքը մեծ մասամբ կախված է արյան հոսքից, ուստի արյան շրջանառության խանգարման դեպքում մարդը չի կարողանում կենտրոնացնել ուշադրությունը, իսկ մտավոր աշխատանք կատարելիս շատ արագ հոգնում է: Բացի այդ, արյան շրջանառության խանգարումն ազդում է նաև մարդու հիշողության վրա:

14.  Անզգայություն

Թմրածության ու անզգայության զգացողությունը ծանոթ է բոլորին, սակայն արյան շրջանառության խանգարման դեպքում այս զգացողությունը շատ ավելի հաճախ է առաջանում և շատ ավելի երկարատև է լինում: Ընդ որում՝ նման տհաճ զգացողություններ կարող են առաջանալ մարմնի տարբեր հատվածներում, այդ թվում նաև այն հատվածներում, որտեղ նախկինում նման ախտանշաններ չեն նկատվել:

Առհասարակ արյան շրջանառության խանգարումը լուրջ խնդիր է, որից հարկավոր է հնարավորինս շուտ ազատվել: Բնականաբար՝ այս դեպքում լավագույն դեղամիջոցը առողջ ապրելակերպն է, ինչպես նաև ֆիզիկական ակտիվությունն ու ճիշտ սննդակարգը, սակայն կա նաև մի հիանալի բնական միջոց, որը կօգնի շատ արագ բարելավել արյան շրջանառությունը: Ձեր ուշադրությանն ենք ներկայացնում այդ դեղամիջոցի բաղադրատոմսը:

Բաղադրությունը.

·        1 գլուխ սխտոր,

·        2 հատ կիտրոն,

·        1 լիտր ջուր:

Պատրաստման եղանակը.

Ջուրը լցնել ապակյա կամ չժանգոտվող մետաղից պատրաստված կաթսայի մեջ, այնուհետև մաքրել սխտորի պճեղներն ու ավելացնել ջրին: Ավելացնել նաև կիսած կիտրոնները (առանց կեղևազրկելու) և դնել կաթսան թույլ կրակին: Երբ ջուրը սկսի եռալ, եփել այն ևս 15 րոպե, այնուհետև վերցնել կրակից, 10 րոպե թրմել ու քամել: Ստացված եփուկը հարկավոր է ընդունել օրական 2-3 անգամ՝ 100-150 մլ:

Նյութի աղբյուրը՝ natureba.net