Լեյկոզի մասին վկայող 10 ախտանշան, որոնք մարդիկ հաճախ անտեսում են

Լեյկեմիան (լեյկոզ, սպիտակարյունություն) խիստ վտանգավոր հիվանդություն է, որի ախտանշանները մարդիկ ոչ միշտ են նկատում, ինչի հետևանքով այն հայտնաբերվում է բավական ուշ, երբ բարեհաջող բուժման հավանականությունն արդեն զգալիորեն նվազած է լինում: Սա է պատճառը, որ մասնագետները միշտ ընդգծում են հիվանդությունների ախտանշաններն իմանալու կարևորությունը, քանի որ դրանք կանխարգելելն ու վաղ փուլերում բուժելը շատ ավելի հեշտ է լինում, քան հետագայում նաև մի շարք բարդությունների դեմ պայքարելը:

Ձեր ուշադրությանն ենք ներկայացնում մի քանի ախտանշան, որոնք կարող են պայմանավորված լինել լեյկոզով, ուստի ոչ մի դեպքում չպետք է անտեսվեն:

1.      Հոգնածություն ու թուլություն առանց որևէ լուրջ պատճառի

Այս ախտանշանով սովորաբար դրսևորվում է անեմիան (սակավարյունություն), որի դեպքում արյան մեջ նվազում է էրիթրոցիտների մակարդակը:

2.      Հևոց

Լեյկեմիային բնորոշ ախտանշան կարող է լինել նաև հևոցը, որն ի հայտ է գալիս խոսելիս կամ քայլելիս: Երբեմն հևոց կարող է նկատվել անգամ մի քանի քայլ անելուց հետո:

3.      Կապտուկներ առանց որևէ պատճառի

Լեյկոզի մասին կարող են վկայել նաև առանց որևէ պատճառւ ի հայտ եկած կապտուկները: Հաճախ անգամ թույլ հպումը կարող է դառնալ լուրջ կապտուկի առաջացման պատճառ, ինչը պայմանավորված է լինում թրոմբոցիտների բացակայությամբ: Առավել հաճախ կապտուկներն ի հայտ են գալիս ձեռքերի ու ոտքերի հատվածում:

4.      Արտասովոր արյունահոսություններ

Պարբերաբար ի հայտ եկող քթային արյունահոսությունը, լնդերի արյունահոսությունը կամ որևէ այլ օրգանի արտասովոր արյունահոսությունը նույնպես կարող է պայմանավորված լինել լեյկեմիայով, ուստի նման ախտանշանը ոչ մի դեպքում չի կարելի անուշադրության մատնել:

5.      Ոչ մեծ կարմիր կետեր մաշկի ու լորձաթաղանթի վրա

Մաշկի ու լորձաթաղանթների վրա առաջացած կարմիր կետերը, որոնք նման են կարմիր ներկով արված բծերի, նույնպես կարող են պայմանավորված լինել լոյկոզով: Դրանց առաջացման գործընթացն անցավ է, ուստի մարդիկ հաճախ անտեսում են այս ախտանշանը: Նման բծերը, որպես կանոն, առավել հաճախ ի հայտ են գալիս կոճերի հատվածում:

6.      Լնդերի այտուցվածություն

Լնդերի այտուցվածությունն ու տհաճ զգացողությունները նույնպես կարող են պայմանավորված լինել լեյկոզով: Բացի այդ, սա առաջին ախտանշաններից է, որոնց ուշադրություն են դարձնում բժիշկները բուժզննման ժամանակ:

7.      Հագեցածության զգացողություն

Լեյկոզի դեպքում հիվանդներին հաճախ թվում է, թե ստամոքսն արդեն լիքն է, ինչը պայմանավորված է լինում նրանով, որ այտուցված ու մեծացած փայծաղը ստիպում է մարդում մտածել, թե նա չափազանց շատ է կերել:

8.      Ցավ ստամոքսի վերին ձախ հատվածում

Այտուցված ու մեծացած փայծաղը կարող է անգամ դառնալ ստամոքսի սուր ցավի կամ տհաճ զգացողությունների առաջացման պատճառ, ուստի նման ցավը ոչ մի դեպքում չի կարելի անտեսել:

9.      Տենդ

Տենդը նույնպես լեյկոզի մասին վկայող բավական տարածված ախտանշան է և նկատվում է հիվանդների ¼ մասի մոտ: Բացի այդ, մարմնի սուբֆեբրիլ ջերմաստիճանը վկայում է նաև օրգանիզմում վարակների առկայության և իմունային համակարգի թուլացման մասին:

10.  Գիշերային առատ քրտնարտադրություն

Գիշերային չափազանց առատ քրտնարտադությունը կարող է պայմանավորված լինել մի շարք հիվանդություններով, որոնց շարքին է դասվում նաև լեյկոզը, ուստի այս ախտանշանը ոչ մի դեպքում չի կարելի անտեսել: Նման դեպքերում հարկավոր է անհապաղ խորհրդակցել բժշկի հետ և անցնել համապատասխան բուժզննումը՝ հետագայում էլ ավելի լուրջ խնդիրներից խուսափելու համար:

Նյութի աղբյուրը՝ raisehandnow.com