«Առողջության ինքնուրույն մոնիտորինգ». ինչպես հայտնաբերել հիվանդությունները, քանի դեռ չկան ակնհայտ ախտանշաններ

Վիճակագրության համաձայն հիվանդության  զարգացման կանխումը   25 անգամ ավելի մատչելի է, քան նրա բուժումը:

Այսօր բժշկության ամենատարածված ուղություններից մեկը հանդիսանում է առողջության ինքնուրույն մոնիտորինգը , որը թույլ է տալիս ժամանակին հայտնաբերել ու կանխել տարբեր տեսակի պաթոլոգիաներ:

АиФ.ru-ն  ներկայացրել է, թե ինչպես է այն աշխատում և ով ու ինչպես պետք է իր վրա փորձի ախտորոշման նման մեթոդը:

1. Պուլսի ստուգում

Մեր օրերում  ինքնուրույն մոնիտորինգի տարածված տարբերակներից են հանդիսանում «խելացի թևոնցները», որոնցում ներառված է պուլսի չափման ֆունկցիան:

Հայտնի է, որ ինֆարկտը, ինսուլտը և սրտանոթային համակարգի մի շարք այլ  խանգարումներ զգալիորեն երիտասարդացել են: Այդ պատճառով հարկավոր է կանոնավոր կերպով  հետևել առողջությանը, որպեսզի  հասկանալ, թե երբ է հարկավոր դիմել բժշկի:
Պուլսմետրը թույլ է տալիս հետևել, թե ինչպես է աշխատում սիրտը, ինչպես են փուլերը անցնում, որքան հաճախ են կրկնվում նոպաները: Որն էլ և օգնում է  բժիշկ-կարդիոլոգին  ավելի պարզ  տեսնել իրավիճկն ու հիվանդին զննելու ժամանակ հասկանալ, թե ինչում է կայանում խնդիրը:
Ժամանակակից պուլսային մոնիտորները(ցուցասարքերը), համապատասխանում են յուրաքանչյուր մարդու, քանի որ նրանց տեսականին բավականին բազմազան է(մատների կամ ականջաբլթակների սենսորային ցուցիչներ,  ձեռք ժամացույցներ և այլն):

2. Հետևել սրտի աշխատանքին

Շատերը արդեն ընտելացել են, որ սրտի հետ կապված խնդիրների դեպքում կատարվում է էլեկտրոկարդիոգրամա: Ընդ որ շատ քչերը գիտեն, որ էլեկտրոկարդիոգրաման արդյունավետ է միայն նոպայի պահին:  Եթե  այդ պահին սիրտը աշխատի նորմալ, ապա էլեկտրոկարդիոգրաման ոչ մի խանգարում  ցույց չի տա: Իսկ եթե հիվանդը տառապում է տախիկարդիայով  և առիթմիայով, ցավեր է զգում սրտի շրջանում  և ունենում է  սրտի նոպային բնորոշ մի շարք այլ ախտանշաններ, ապա այդ դեպքում հարկավոր է  անցնել ավելի  խորքային ստուգում: Իսկ դրա համար ամենևին էլ անհրաժեշտ չէ հոսպիտալացվել: Սրտի աշխատանքը  հնարավոր է ստուգել օգտագործելով հոլտեր:

Նշված գործիքը դյուրակիր է  և նախատեսված է 24- ժամյա հետազոտության համար: Այն ամրացվում է մարդու ձեռքին և պետք է ձեռքի վրա մնա ողջ օրվա ընթացքում: Այդ ընթացքում  այն սկսում է աշխատել և իրականացնել անհրաժեշտ չափումներ՝ զարկերակային ճնշման, սրտի մկանների աշխատանքի և այլն: Այն ֆիքսում է հանգստի  ժամանակահատվածը, շարժողական ակտիվությունը, էմոցիոնալ լարվածությունն ու սննդի ընդունումը: Այդ բոլոր տվյալները պահպանվում են սարքի հիշողությունում և հնարավոր է համացանցի միջոցով փոխանցել բուժող բժշկին: Հետազոտման նման տարբերակը թույլ է տալիս  ժամանակին հայտնաբերել խնդիրները: Իսկ եթե հիվանդությունը բարդացած վիճակում է լինում, ապա հետազոտությունը իրականացվում է 2-7 օրվա ընթացքում:

3. «Քաղցր կյանք»

Ժամանակակից աշխարհում շաքարի օգտագործման տեմպերը զգալիորեն աճել են: Թխած գրեթե բոլոր մթերքները պարունակում են քաղցրացուցիչ: Եվ բնական է, որ ներկայումս շաքարային դիաբետի զարգացման  հավանականությունը շատ բարձր է: Հնարավոր է անգամ, որ մարդու մոտ առաջանա հիպոգլիկեմիա՝ արյան մեջ գլյուկոզայի կտրուկ իջեցում: Իսկ ինչպես է հնարավոր պարզել թե ինչպիսի վիճակում է գտնվում մարդը:

Այս հարցում օգնում են դյուրակիր գլյուկոմետրերը, որոնք հնարավոր է  ինքնուրույն օգտագործել տանը: Ընդ որում հնարավոր է այդ սարքով չափել ոչ միայն մեծահասակների արյան մեջ շաքարի մակարդակը, այլ նաև երեխաների: Այդ ընդհանուր պրոցեդուրան տևում է ընդամենը 1 րոպե: Սարքավորման  համալիրի մեջ մտնում են անհրաժեշտ թեսթ-ստրիպներ և մատը ծակելու համար նախատեսված աքսեսուար: Արդյունքները անմիջապես հայտնվում են էկրանի վրա  և հնարավոր է լինում անմիջապես հասկանալ, արդյոք արյան մեջ շաքարի մակարդակը նորմալ վիճակում է, թե ոչ: Ստանդարտ նորման կանաց ու տղամարդկանց մոտ համարվում է 3.3-7.8 մմոլ/լ: Եթե նկատվում են խնդիրներ, ապա խորհուրդ է տրվում մի փոքր ուշ թեստը կրկնել: Եթե թեստի արդյունքը նույնն է, ապա հարկավորէ դիմել բժշկի:

4. Խոլեստերինը վերահսկողության ներքո

Բոլորը լավ գիտեն, որ խելեստերինը շատ վտանգավոր է առողջության համար: Սակայն այդ ամենի հետ մեկտեղ շատ քչերն են  հաճախում բժշկի նրա մակարդակը չափելու համար:

Օրգանիզմում խոլեստերինի բարձր կոնցենտրացիան հանգեցնում է նրա, որ անոթներում ձևավորվում է ճարպային կուտակումներ, որի հետևանքով վատանում է արյան հոսքը և սկսվում է օրգանիզմի թթվածնային քաղց և զգալիորեն բարձրանում է ինֆարկտի ու ինսուլտի հավանականությունը: Սակայն այսօր, հատուկ սարքերի օգնությամբ,  խոլեստերինի մակարդակը հնարավոր է բավականին հեշտ որոշել  նաև տան պայմաններում: Այն գործում է գլյուկոմետրերի նման: Հետազոտման համար անհրաժեշտ են լինում թեսթ-ստրիպներ և մեկ րոպե ժամանակ: Այսօր արդեն ժամանակակից արտադրողները առաջարկում են նման սարքավորումների  3-ը 1-ում տարբերակները, որի օգնությամբ հնարավոր է անմիջապես չափել արյան մեջ շաքարի, խոլեստերինի և հեմոգլոբինի մակարդակը:

Եվ այդ ամենը թույլ է  տալիս ժամանակին  ախտորոշել նշաված նյութերի մակարդակի ավելցուկը կամ պակասը օրգանիզմում և խուսափել առողջության լուրջ խանգարումներից: