Մարմնի տարբեր հատվածներում սնկային վարակի(դերմատոմիկոզ) առաջացման պատճառները, ախտանշանները, բուժումն ու կանխարգելումը

22:15 • 25.09.18

Սնկային վարակ(դերմատոմիկոզ)-շատ տարածված վարակիչ մաշկային հիվանդություն է: Վարակն առաջացնում է քորվող ցան, որոնք զարգանում են մարմնի տարբեր մասերում, այդ թվում, գլխի մաշկին, աճուկային շրջանում, եղունգներին, ոտքերին և այլն:

Բուժումը, մեծ մասամբ, ազատում է վարակից մի քանի շաբաթում:

Պատճառները

• Սնկային վարակ ունեցող կենդանիների հետ շփումը( հատկապես կատուների և շների) հանդիսանում է հիվանդության տարածման եղանակներից մեկը:
• Հիվանդի հետ անմիջական շփումը

• Սնկիկներով վարակված զանազան առարկաների հետ շփումը

• Ինչպես նաև բանջարեղենի միջոցով

Ախտորոշումը

• Մաշկի սնկային հիվանդութան առաջին ախտանիշը կարմիր ուրվագծով քորվող ցանն է:

• Մաշկի քերուկի միկրոսկոպիկ հետազոտությունը, հիմնականում հնարավորություն է տալիս բացահայտել միկրոօրգանիզմների առկայությունը:

Ախտանշանները

• Գլխի մաշկին. ճաղատացման լաքա և թեփ:

• Մաշկի վրա. կլորավուն, կարմիր լաքաներ, որոնք մեծանում են մինչև մեկ դյույմ տրամագծով: Քանի որ լաքան մեծանում է կենտրոնից, կենտրոնական մասը լավանում է, իսկ նրա շուրջ մնում է կարմիր շրջան, որտեղ պահպանվում է ակտիվ վարակը:

• Մորուքի տակ. քորվող ցան:

• Ոտքերին. թեփոտում, մատերի միջև մաշկի ճաքերի առաջացում, տհաճ հոտ:

• Եղունգներին. հաստացում, շերտավորում և այլն:

Բուժումը

• Դերմատոմիկոզը հաճախ կարելի է բուժել առանց դեղատոմսի վաճառվող նրբաքսուքների կամ լուծույթների օգնությամբ, հատկապես այն դեղամիջոցների, որոնք պարունակում են տերբինաֆին, կլոտրիմազոլ, միկոնազոլ կամ կետոկոնազոլ:

• Վարակված հատվածը պահել հնարավորինս մաքուր և չոր: Կարելի է օգտագործել տալկ կամ բժշկական ցանափոշի:

• Եթե դերմատոմիկոզը աճուկային շրջանում է, ապա պետք է կրել բամբակյա ներքնազգեստ և հաճախակի փոխել այն:

• Ոտքերի հատվածում, կրկնակի վարակվելուց խուսափելու համար, վարակի բուժմանը զուգահեռ, հակասնկային միջոցներով պետք է մշակել նաև կոշիկը:

Կանխարգելումը

• Չօգտագործել ուրիշի կոշիկը կամ սրբիչը:
• Լողալուց կամ լոգանքից հետո լավ սրբել ոտքերը:
• Հնարավորինս խուսափել վարակված ընտանի կենդանիների հետ շփվելուց:

Աղբյուր՝ mirsovetov.ru