Մաստոպաթիայի(կրծքագեղձի բարորակ հիվանդություն) զարգացման փուլերն ու ախտանշանները

18:36 • 26.09.18

Մաստոպաթիան կրծքագեղձի բարորակ հիվանդություն է, որն առաջանում է շարակցական հյուսվածքների ախտաբանական աճի հետևանքով: Այս հիվանդությունը պայմանավորված է լինում կնոջ օրգանիզմում հորմոնալ դիսբալանսով: Այն զգալիորեն ազդում է հիվանդի ինքնազգացողության վրա, իսկ որոշ դեպքերում կարող է դառնալ նույնիսկ շատ ավելի վտանգավոր հիվանդության՝ կրծքագեղձի քաղցկեղի առաջացման պատճառ:

Մաստոպաթիայի առաջացման պատճառներն են.

· հորմոնալ դիսբալանսը (ձվարանների գործառույթի խանգարում),

· կանանց սեռական օրգանների բորբոքային հիվանդությունները,

· սեռավարակները,

· հղիության արհեստական ընդհատումները,

· երեխային կրծքով չկերակրելը,

· սթրեսները:

Հիվանդության զարգացման հիմնական փուլերն ու ախտանշանները

Հիվանդության սկզբանակն փուլն անվանվում է դիֆուզ (տարածուն) մաստոպաթիա: Այն սկսվում է շարակցական հյուսվածքների աճով, որի դեպքում առաջանում են մանր հանգույցներ: Դրա հիմնական դրսևորումը կրծքագեղձի ցավն է, որն առաջանում է դաշտանից առաջ և մեղմվում է, երբ այն սկսվում է: Բացի այդ, կրծքի վերին հատվածում պարբերաբար ի հայտ են գալիս գնդաձև պինդ գոյացություններ:

Հաճախ կանայք անուշադրության են մատնում հիվանդության ախտանշանները և տարիներ շարունակ չեն դիմում բժշկին, սակայն սա շատ մեծ սխալ է, քանի որ դիֆուզ մաստոպաթիայի բուժումն ունի պահպանողական բնույթ:

Հիվանդության հետագա զարգացման ընթացքում կրծքագեղձի հյուսվածքներում առաջանում են պինդ հանգույցներ, որոնք կարող են լինել ինչպես ոլոռի հատիկի չափ, այնպես էլ հունական ընկույզի: Մաստոպաթիայի այս տեսակն անվանվում է հանգուցավոր: Ընդ որում՝ այս դեպքում ցավն ավելի ինտենսիվ է դառնում և կարող է տարածվել նաև ուսի ու թևատակի հատվածում: Երբեմն հիվանդին ցավ կարող է պատճառել նույնիսկ թույլ հպումը կրծքին:

Այս փուլում կարող է նկատվել նաև արյունոտ կամ թափանցիկ արտադրություն պտուկից: Բացի այդ, հյուսվածքների անհարթությունը կարելի է հեշտությամբ զգալ՝ պարզապես կուրծքը շոշափելով: Ի տարբերություն սկզբնական փուլի՝ հանգուցավոր մաստոպաթիայի դեպքում կրծքի ցավը չի անհետնում դաշտանի սկսվելուն պես:

Նյութի աղբյուրը՝ medportal.ru