7 խորհուրդ մամոլոգից, որոնք կօգնեն պահպանել կրծքի առողջությունը

Առողջ ու գեղեցիկ կուրծք ունենալու համար հարկավոր է առաջին հերթին հոգատար լինել կրծքի հանդեպ և հետևել մամոլոգների խորհուրդներին:

Ձեր ուշադրությանն ենք ներկայացնում 7 պարզ կանոն, որոնց հետևելը կօգնի պահպանել կրծքի առողջությունը:

1.      Կատարել հատուկ վարժություններ

Կրծքի առողջությունը պահպանելու համար հարկավոր է կատարել հատուկ վարժություններ, որոնք կօգնեն ձգել այդ հատվածի մկանները: Օրինակ՝ կարելի է ուղիղ ձեռքերով հենվել պատին, այնուհետև ծալել ձեռքեր` մոտենալով պատին և կտրուկ հետ հրվել պատից ու ուղղել ձեռքերը:

2.      Կրել հարմարավետ կրծկալ

Կոշտ կարերով ու երկաթյա ներդիրներով կրծկալը վնասում է կուրծքը: Նման վնասվածքներից խուսափելու համար մասնագետները խորհուրդ են տալիս կրել հատուկ կտորներից կարված կրծկալներ, որոնք սովորաբար կրում են մարզիկները: Դրանք ոչ միայն շատ ավելի հարմարավետ են, այլև պաշտպանում են կրծքի նյարդային մանրաթելերը:

3.      Կարգավորել սննդակարգը

Առողջ ու գեղեցիկ կուրծք ունենալու համար հարկավոր է սննդակարգից բացառել յուղոտ, տապակած, կծու և չափազանց շատ համեմունքներ պարունակող սնունդը, սուրճը, խոզի միսը, աճի խթանիչներ պարունակող միսը և գենետիկորեն մոդիֆիկացված մթերքը:

Փոխարենն անհրաժեշտ է օրական 2-2.5 լիտր ջուր խմել, 200 մլ թարմ քամած հյութ խմել և 0.3-0.5 մլ կաթնամթերք օգտագործել: Շատ կարևոր է նաև А, Е և С վիտամիններով հարուստ մթերքը, բանջարեղենը (օրական 0.5 կգ) և մրգերը (օրական 5-6 հատ):

4.      Խմել մաքուր ջուր

Ջուրը, որը մարդը խմում է և օգտագործում է սննդի պատրաստման համար, պետք է լավ մաքրված լինի: Կարելի է խմել աղբյուրի ջուր, սակայն ոչ մի դեպքում չի կարելի խմել ծորակի ջուր:

5.      Փոխել կենսակերպը

Սխալ կենսակերպը խիստ բացասաբար է ազդում նաև կրծքի վրա, ուստի հարկավոր է ազատվել վատ սովորություններից և վարել առողջ կենսակերպ: Ոչ մի դեպքում չի կարելի արհեստական ճանապարհով ընդհատել հղիություն, ընդունել հորմոնալ դեղամիջոցներ և հաճախել սոլյարի:

Բացի այդ, շատ կարևոր է նաև լավ տրամադրությունը, ուստի հարկավոր է լինել լավատես, խուսափել սթրեսներից և սիրել աշխարհը:

6.      Ինքնուրույն հետազոտել կուրծքը

Կուրծքը հարկավոր է ամսական մեկ անգամ ինքնուրույն հետազոտել: Ընդ որում՝ հետազոտությունը պետք է կատարել դաշտանային ցիկլի 7-10-րդ օրերին և որևէ արտառոց ախտանշանի դեպքում անպայման դիմել մասնագետին: Կրծքի հիվանդությունների մասին վկայող ախտանշանների շարքին են դասվում.

·        պտուկի ձևի փոփոխությունը,

·        կրծքագեղձում ուռուցքի առկայությունը,

·        կրծքի ցավերը,

·        մաշկի «կնճռոտվածությունը»,

·        կրծքի մաշկի կարմրածությունը,

·        կրծքի ձևի փոփոխությունը,

·        արտադրությունը,

·        պտուկի վրա առաջացած խոցերը,

·        թևատակերում առաջացած հանգույցները:

7.      Խուսափել կրծքի հիվանդություններին հանգեցնող գործոններից

Նման գործոնների շարքին են դասվում.

·        հորմոնալ ֆոնի փոփոխությունները,

·        գինեկոլոգիական խնդիրները (էնդոմետրիոզ, պոլիկիստոզային ձվարանների համախտանիշ, ֆիբրոմիոմա և այլն),

·        հակաբեղմնավորիչ դեղահաբերի երկարաժամկետ ընդունումը,

·        վերարտադրողական ֆունկցիայի խանգարումները,

·        վահանաձև գեղձի հիվանդությունները,

·        սեռական ֆունկցիայի խանգարումները,

·        սեռական կյանքի բացակայությունը,

·        կրծքագեղձի նախաքաղցկեղային հիվանդությունները

·        մի շարք այլ հիվանդությունները (հեպատիտ, ճարպակալում, շաքարային դիաբետ, զարկերակային գերճնշում և այլն):

Նյութի աղբյուրը՝ shkarec.ru