Ախտանշաններ, որոնք վկայում են լյարդի ճարպակալման և վնասակար տոքսինների կուտակման մասին

Լյարդը մարդու օրգանիզմի ամենակարևոր օրգաններից մեկն է, որի հիմնական գործառույթն օրգանիզմը տոքսիններից և նյութափոխանակության արդյունքում կուտակված վնասակար նյութերից մաքրելն է: Սա է պատճառը, որ լյարդի աշխատանքի խանգարումը բացասաբար է ազդում ամբողջ օրգանիզմի վրա՝ առաջացնելով մի շարք տհաճ խնդիրներ:

Բարեբախտաբար՝ երբ լյարդը սկսում է վատ աշխատել, այն անմիջապես «տեղեկացնում» է մեզ այդ մասին, ինչը թույլ է տալիս ժամանակին քայլեր ձեռնարկել և խուսափել հետագա բարդացումներից: Այս դեպքում պարզապես հարկավոր է ավելի ուշադիր լինել, իսկ լյարդի առողջությունը պահպանելու և դրա աշխատանքը կարգավորելու համար պետք է ապահովել օրգանիզմն անհրաժեշտ սննդարար նյութերով:

Ձեր ուշադրությանն ենք ներկայացնում այն ախտանշանները, որոնք վկայում են լյարդի գերծանրաբեռնվածության և ճարպերի ու տոքսինների կուտակման մասին:

·         Քրոնիկ հոգնածություն,

·         Բացասական զգացմունքներ,

·         Թուլություն ու «մշուշոտ» միտք,

·         Բութ գլխացավեր, որոնք մեղմվում են հանգստից հետո,

·         Միգրեն ու գլխացավեր աչքերի հատվածում,

·         Քրոնիկ հոդացավեր ու մկանային ցավեր,

·         Չափազանց առատ քրտնարտադրություն,

·         Խնդիրներ՝ կապված ճարպերի մարսման հետ,

·         Ալերգիաներ,

·         Ակնե,

·         Փորափքանք, փորացավեր, փորկապություն, փորլությություն,

·         Հորմոնալ դիսբալանս,

·         Անհանգստություն ու դեպրեսիա,

·         Քիմիական նյութերի հանդեպ զգայունություն,

·         Բերանի խոռոչի մշտական տհաճ հոտ,

·         Քաշի անբացատրելի ավելացում:

Այնուամենայնիվ այս խնդրի դեմ կարելի է հեշտությամբ պայքարել ճիշտ սննդակարգի միջոցով: Պարզապես անհրաժեշտ է հետևել մասնագետների հետևյալ խորհուրդներին:

1.      Առաջին հերթին հարկավոր է գնել միայն օրգանական սննդամթերք և խուսափել գենային մոդիֆիկացիայի ենթարկված մթերքից:

2.      Պետք է հետևել հավասարակշռված դիետայի և ուտել բարձրորակ կենդանական ու բուսական սպիտակուցներով հարուստ սնունդ, ծլած հացահատիկ, հում ընկուզեղեն ու սերմեր և այլն:

3.      Բացառել բորբոքումներ առաջացնող յուղերը (եգիպտացորեն, բակլազգիներ, բուսայուղեր և այլն):

4.      Հարկավոր է խմել բավարար քանակությամբ ջուր (ցանկալի է աղբյուրի կամ հանքայինացված ջուր):

5.      Ուտել ավելի շատ առողջ ու օգտակար ճարպեր (կոկոսյան ընկույզի յուղ, հալած կարագ, ավոկադո և այլն):

6.      Օգտագործել բավարար քանակությամբ սննդային մանրաթելեր: Օրվա նվազագույն չափաբաժինն է 35 գրամ, որը կարելի է ստանալ այնպիսի սննդամթերքից, ինչպիսիք են կտավատի ոսկեգույն սերմերը, արտիճուկը (артишок), բրյուսելյան կաղամբը, բրոկոլին և այլն:

7.      Հարկավոր է նաև բացառել զտված շաքարը:

8.      Անհրաժեշտ է սահմանափակել նաև ֆրուկտոզային օգտագործումը: Օրական թույլատրելի չափաբաժինն է 20-25 գրամ:

9.      Պետք է նաև օգտագործել շատ կանաչատերև բանջարեղեն, որոնք պարունակում են մեծ քանակությամբ վիտամին C, B խմբի վիտամիններ, ֆոլաթթու և մագնեզիում:

10.  Հարկավոր է սննդակարգը հարստացնելկենդանական ու բուսական ծագման ամինաթթուներով (ոսկորներից ստացված արգանակ, տնական հավի միս և հավկիթ, հում սպանախ, մաղադանոս, կաղամբ, ճակնդեղ):

11.  Անհրաժեշտ է օգտագործել նաև ծծումբով հարուստ մթերք (տնական հավկիթ, բրոկոլի, բրյուսելյան կաղամբ, սոխ, սխտոր, կաղամբ, ծնեբեկ):

12.  Բացի այդ, անհրաժեշտ է նաև բացառել կամ գոնե սահմանափակել ալկոհոլի գործածությունը:

Այս պարզ խորհուրդները կօգնեն պահպանել լյարդի առողջությունն ու կարգավորել դրա աշխատանքը: Մարդը չի կարող ապրել առանց լյարդի, ուստի պարտավոր է հոգ տանել դրա մասին:

Նյութի աղբյուրը՝ vpotokedeneg.me