Պարզ «հուշաթերթիկ» գրիպը մրսածությունից հեշտությամբ տարբերելու համար

22:01 • 12.10.18

Գրիպն ու մրսածությունը բավական տարածված հիվանդություններ են, որոնք ախտահարում են շնչառական համակարգը: Այս հիվանդությունների ախտանշանները երբեմն նման են լինում, ուստի շատերը դժվարանում են տարբերել դրանք, սակայն հարկ է հիշել, որ գրիպի ու մրսածության հարուցիչ վիրուսները տարբեր են լինում:

Այս հիվանդությունները միմյանցից տարբերելը շատ կարևոր է, քանի որ հակառակ դեպքում դրանց սխալ բուժումը կարող է լուրջ բարդությունների առաջացման պատճառ դառնալ: Նման տհաճ հետևանքներից խուսափելու համար med2.ru կայքը կազմել մի պարզ հուշաթերթիկ, որը թույլ կտա հեշտությամբ ախտորոշել հիվանդությունը:

Ձեր ուշադրությանն ենք ներկայացնում գրիպի և մրսածության հիմնական տարբերություններն ու նմանությունները.

Առաջին հերթին հարկ է հիշել, որ գրիպը մարդը շատ ավելի մեծ դժվարությամբ է հաղթահարում, քան հասարակ մրսածությունը: Մրսածությունը հաճախ է ուղեկցվում հարբուխով, սակայն հազվադեպ է այնպիսի լուրջ բարդություններ առաջացնում, ինչպիսին են թոքաբորբն ու բակտերիալ վարակները: Բացի այդ, մրսածության դեպքում հազվադեպ է լինում հոսպիտալացման անհրաժեշտություն, մինչդեռ գրիպը հաճախ է հանգեցնում բարդությունների, որոնց դեպքում անհրաժեշտ է ստացիոնար բուժում:

Գրիպի դեպքում ախտանշանները կտրուկ են ի հայտ գալիս և հիվանդի վիճակը շատ արագ է վատանում, մինչդեռ մրսածության ժամանակ ախտանշաններն աստիճանաբար են ի հայտ գալիս:

Գիպով հիվանդների մոտ հաճախ է նկատվում մարմնի ջերմաստիճանի բարձրացում, ցավեր, տենդ, դող, հոգնածություն, թուլություն ու գլխացավեր, մինչդեռ մրսածության դեպքում այս ախտանշանները հազվադեպ են ի հայտ գալիս:

Միևնույն ժամանակ մրսածությունը հաճախ ուղեկցվում է կոկորդի ախտահարմամբ, քթի փակվախությամբ ու փռշտոցով, իսկ գրիպը միայն երբեմն է դրսևորվում նման ախտանշաններով:

Սակայն հարկ է հիշել, որ և՛ գրիպի, և՛ մրսածության ժամանակ հաճախ նկատվում են հազ ու տհաճ զգացողություններ կրծքավանդակի հատվածում, ուստի հիվանդությունը ճիշտ ախտորոշելու համար նման ախտանշանների դեպքում հարկավոր է անպայման ուշադրություն դարձնել նաև մյուս ախտանշաններին: