Որոնք են ձվարանների պոլիկիստոզային համախտանիշի վաղ ախտանշանները և 2 բնական միջոց՝ խնդրից ազատվելու համար

Մարդու մարմինը շատ հաճախ է նախազգուշացնում տարբեր խնդիրների առկայության մասին, սակայն մարդիկ ոչ միշտ են ուշադրություն դարձնում այդ նախազգուշացումներին՝ թույլ տալով, որ դրանք դառնան արդեն չափազանց ակնհայտ:

Ձվարանների պոլիկիստոզային համախտանիշը նույնպես դրսևորվում է տարբեր ախտանշաններով, որոնց ժամանակին ուշադրություն դարձնելը կօգնի հետագայում խուսափել բազմաթիվ խնդիրներից: Այդ ախտանշանները կօգնեն հայտնաբերել հիվանդությունը վաղ փուլերում և բուժել բնական միջոցների օգնությամբ:

Կիստաները կարող են առաջանալ ցանկացած տարիքում մինչ գործում է կնոջ վերարտադրողական համակարգը: Դրանք ի հայտ են գալիս ձվարաններում հորմոնների ու մանր ձվաբջիջների կուտակման հետևանքով: Կիստաները շատ լուրջ խնդիր չեն, սակայն ժամանակին չբուժելու դեպքում դրանք կարող են հասնել չափազանց մեծ չափերի, իսկ որոշ դեպքերում էլ վերածվել չարորակ գոյացությունների: Սա է պատճառը, որ հարկավոր է սովորել տարբերել այս հիվանդության ախտանշաններն ու ժամանակին միջոցներ ձեռնարկել դրանից ազատվելու համար:

Ձեր ուշադրությանն ենք ներկայացնում ձվարանների պոլիկիստոզային համախտանիշի ամենատարածված ախտանշաններն ու երկու բնական միջոց՝ հիվանդությունը բուժելու համար:

Ձվարանների պոլիկիստոզային համախտանիշի մասին վկայող վաղ ախտանշաններն են.

·        Հաճախամիզությունը կամ դժվարամիզությունը,

·        Ցավոտ դաշտանը կամ անոմալ արյունահոսությունները,

·        Ցավը սեռական ակտի ընթացքում,

·        Սրտխառնոցն ու փսխումը,

·        Քաշի ավելացումը,

·        Ախորժակի կորուստը,

·        Մեջքի ստորին հատվածի բութ ցավը,

·        Փորափքանքը կամ որովայնի ցավերը:

Երբեմն կարող են առաջանալ նաև այլ նախազգուշացնող նշաններ, այդ թվում նաև մշտական հոգնածությունը կամ աղիների «սովորությունների» փոփոխությունները:

Բացի այդ, դաշտանադադարի ժամանակ ձվարանների կիստաների առկայության մասին վկայող ախտանշաններից մեկը կարող է լինել արյունահոսությունը, ուստի նման դեպքերում հարկավոր է շտապ դիմել բժշկին:

Առհասարակ՝ հարկ է հիշել, որ նշված ախտանշաններից 2-3-ի առկայության դեպքում հարկավոր է խորհրդակցել բժշկի հետ և անցնել անհրաժեշտ բուժզննումը:

Ժողովրդական մեթոդներ ձվարանների պոլիկիստոզային համախտանիշը բուժելու համար

Կուսածառ սովորական (витекс священный)

Այս խոտաբույսն անչափ օգտակար է և օգնում է գինեկոլոգիական գրեթե բոլոր խնդիրների դեպքում: Այն վերահսկում է դաշտանը, մեղմացնում է կոնքի հատվածի ցավը և օգնում է փոքրացնել կիստաները: Այն պարունակում է դիտերպեններ, որոնք նվազեցնում են գլխուղեղում էստրոգեն հորմոնի արտադրությունը՝ դրանով իսկ նպաստելով հորմոնալ ֆոնի կարգավորմանը:

Քաղցրարմատ (солодка голая, лакрица)

Քաղցրարմատը, իր բուժիչ հատկությունների շնորհիվ, շատ արդյունավետ է հորմոնալ ֆոնի կարգավորման համար և բարելավում է մակերիկամների աշխատանքը: Բացի այդ, այն շատ օգտակար է և համարվում է ձվարանների կիստաների բուժման ամենաանվտանգ բնական միջոցներից մեկը:

Պարզապես հարկավոր է 5 րոպե եռացնել քաղցրարմատը, 5-6 րոպե թողնել սառի, այնուհետև քամել և ընդունել օրական երկու անգամ:

Նյութի աղբյուրը՝ healthyfoodhouse.com