Որոնք են գաստրիտի առաջացման պատճառներն ու հիվանդության հիմնական ախտանշանները

22:04 • 23.10.18

Մարդու ստամոքսը շատ կարևոր օրգան է, որը գտնվում է բարակ աղիքի և կերակրափողի միջև: Հենց ստամոքսում է տեղի ունենում մարսողության մեծ մասը, ուստի այս օրգանի հետ կապված ցանկացած խնդիր կարող է խիստ բացասաբար ազդել մարդու ինքնազգացողության, առողջական վիճակի և կյանքի որակի վրա:

Ստամոքսում գտնվող թթուներն ունենում են pH-ի ցածր մակարդակ, ինչը բավարար է սննդի միջոցով օրգանիզմ ներթափանցող բակտերիաները ոչնչացնելու համար:

Այսպիսով՝ աղեստամոքսային համակարգը պաշտպանվում է հնարավոր վարակներից, որոնք կարող են առաջացնել փորլուծություն: Սակայն այդ օրգանը կարող է նաև վարակվել և հիվանդանալ այնպիսի հիվանդություններով, ինչպիսին է գաստրիտը: Գաստրիտը կարող է առաջանալ լորձաթաղանթի բորբոքուման հետևանքով, ինչը հանգեցնում է այնպիսի խնդիրների, ինչպիսիք են փորափքանքը, այրոցքը, ախորժակի կորուստը, արյունահոսությունն ու որովայնի վերին հատվածի (էպիգաստրալ շրջան) ցավերը:

Գաստրիտի առաջացման պատճառ կարող է հանդիսանալ.

· ծխածոտի, ալկոհոլի, կաթնամթերքի չարաշահումը,

· քրոնիկ սթրեսը,

· դեղորայքի օգտագործումը,

· աուտոիմունային հիվանդությունները,

· սխալ սննդակարգը,

· Pylori վարակը և այլն:

Գաստրիտի հիմնական ախտանշանները

Չնայած, որ գաստրիտի ախտանշանները տարբեր մարդկանց մոտ տարբեր են լինում, սակայն կան որոշ ընդհանրություններ: Դրանցից են.

· որովայնում տհաճ զգացողությունները կամ ցավը,

· գղտոցը,

· որովայնի խոռոչում արյունահոսությունը,

· սրտխառնոցը,

· փսխումը,

· այրոցը կամ ստամոքսի լցվածության զգացումը,

· արյունոտ փսխումն ու արտաթորանքը (սա վկայում է, որ ստամոքսի թաղանթը կարող է վնասված լինել),

Սակյան հարկ է հիշել, որ գաստրիտի ախտանշանները կարող են նաև կապված լինել այլ հիվանդությունների հետ, ուստի անհրաժեշտ է խորհրդակցել բժշկի հետ, որպեսզի նա ճիշտ ախտորոշի խնդիրն ու նշանակի համապատասխան բուժումը: Նման դեպքերում չի կարելի զբաղվել ինքնաբուժությամբ քանի որ դա կարող է շատ վտանգավոր լինել և էլ ավելի վատացնել հիվանդի վիճակը:

Նյութի աղբյուրը՝ econet.ru