6 խորհուրդ՝ սրտանոթային համակարգի առողջությունը պահպանելու և լուրջ հիվանդություններից խուսափելու համար

Սրտի հիվանդությունները համարվում են մարդկանց մահացության ամենատարածված պատճառը, ուստի սրտամկանի առողջության մասին հոգ տանելը շատ կարևոր է: Սակայն խնդիրն այն է, որ ժամանակակից մարդկանց կենսակերպը, սննդակարգն ու վատ սովորությունները խիստ բացասաբար են ազդում սրտանոթային համակարգի վրա, իսկ կյանքի արագ ռիթմը ոչ միշտ է թույլ տալիս ժամանակին միջոցներ ձեռնարկել:

Մասնագետները նշում են, որ սրտանոթային համակարգի հիվանդությունները հարկավոր է ժամանակին կանխարգելել, քանի որ դրանք բուժելը շատ ավելի դժվար է, իսկ երբեմն էլ անհնարին: Հիվանդությունների կանխարգելումը կօգնի մարդուն ոչ միայն ապրել առանց դեղամիջոցների ու ցավի, այլև երկարեցնել կյանքի տևողությունը:

Ձեր ուշադրությանն ենք ներկայացնում 6 կանոն, որոնք կօգնեն պահպանել սրտանոթային համակարգի առողջությունը:

Քնել օրական 7 ժամից ոչ պակաս

Լիարժեք քունը նպաստում է ամբողջ օրգանիզմի առողջական վիճակի պահպանմանն ու բարելավմանը: Ուսումնասիրությունները ցույց են տվել, որ սրտի հիվանդությունների և քնի պակասի միջև կա ակնհայտ կապ: Պարզվել է, որ 7 ժամից պակաս քնելու դեպքում բարձրանում է արյան գերճնշման, սրտի իշեմիկ հիվանդության, ճարպակալման և մի շարք այլ հիվանդությունների առաջացման հավանականությունը:

Լինել ֆիզիկապես ակտիվ

Ֆիզիկական ակտիվությունը շատ կարևոր է սրտանոթային համակարգի և առհասարակ ամբողջ օրգանիզմի համար, ուստի շաբաթական 2.5 ժամ հարկավոր է տրամադրել սպորտին ու ակտիվ ֆիզիկական վարժություներին:

Օգտագործել սպիտակուցներով հարուստ սննդամթերք

Օրական հարկավոր է 70-150 գրամ կենդանական ծագման սպիտակուցային սննդամթերք օգտագործել, ինչը կօգնի ամրապնդել զարկերակներն ու կարգավորել զարկերակային ճնշումը: Նման սննդամթերքի շարքին են դասվում անյուղ միսը, ձուկը, կաթնաթթվային մթերքը, կաթնաշոռը և այլն:

1.5-2 լիտր ջուր խմել

Օրական հարկավոր է անպայման 1.5-2 լիտր ջուր խմել: Ջուրը մաքրում է անոթները, ջրիկացնում է արյունը և հարստացնում է բջիջները թթվածնով, ինչը շատ կարևոր է սրտի առողջության համար:

Վարսակի շիլա ուտել

Մասնագետները խորհուրդ են տալիս ամեն օր նախաճաշին առնվազն 200 գրամ վարսակի շիլա ուտել:

Մի բուռ ընկույզ ուտել

Ընկույզները պարունակում են օգտակար ճարպեր, որոնք օգնում են պահպանել երիտասարդությունն ու էներգիա են հաղորդում, ուստի գիտնականները խորհուրդ են տալիս օրական 30 գրամ ընկույզ ուտել:

Բացի այդ, հարկ է հիշել, որ սրտի առողջության, երիտասարդության ու գեղեցկության պահպանման համար շատ մեծ նշանակություն ունեն նաև ակտիվ կենսակերպը, առողջ սնունդն ու լիարժեք հանգիստը:

Նյութի աղբյուրը՝ med2.ru