10 հասանելի միջոց՝ քթի փակվածությունից ազատվելու համար

Քթի փակվածությունը շնչառական համակարգի ինֆեկցիոն հիվանդություններին բնորոշ ամենատարածված ախտանշանն է, որն էլ ավելի հաճախ է ի հայտ գալիս տարվա ցուրտ եղանակներին: Սա բավական տհաճ խնդիր է, որը կարող է խիստ բացասաբար ազդել մարդու կյանքի որակի վրա, սակայն գիտնականները պարզել են, որ առօրյա սննդակարգում կան սննդամթերքի որոշ տեսակներ, որոնք օգնում են ազատվել խնդրից ու կրկին լիաթոք շնչել:

Վերլուծելով մի շարք հետազոտությունների արդյունքները՝ գիտնականները նշել են լավագույն 10 մթերքը՝ քթի փակվածությունից ազատվելու համար:

1.      Արքայախնձոր

Այս համեղ ու օգտակար մթերքը պարունակում է մի շարք շատ կարևոր տարրեր, որոնք պաշտպանում են լորձաթաղանթները:

2.      Ձմերուկ

Ձմերուկի բաղադրության մեջ կան հանքային միացություններ, որոնք պաշտպանում են քթի հետ կապված խնդիրների դեպքում առաջացող տհաճ զգացողություններից:

3.      Կոճապղպեղ

Քթի փակվածությունից ազատվելու համար լավագույն միջոցը կոճապղպեղն է, որը պարունակում է շատ կարևոր հակաբորբոքային ու հակաօքսիդանտային բաղադրիչներ:

4.      Կծվիչ (хрен)

Կծվիչի մեջ պարունակվող ֆիտոնցիդներն օգնում են հեշտությամբ պայքարել ախտածին վիրուսների ու բակտերիաների դեմ:

5.      Հավի արգանակ բանջարեղենով

Այս ապուրը կօնի նվազեցնել բորբոքային գործընթացների մակարդակն ու միաժամանակ կպաշտպանի հազի նոպաներից:

6.      Խնձորի քացախ

Քթի փակվածությունից ազատվելու հիանալի միջոց են նաև քացախով ինհալացիաները: Քացախին հարկավոր է ջուր ավելացնել, տաքացնել խառնուրդը և շնչել ստացված գոլորշիները:

7.      Կծու համեմունքներ

Շնչառությունը վերականգնելու լավագույն միջոցներից է կծու համեմունքների գործածություն: Բացի այդ, նման համեմունքները նաև օժտված են հակաբորբոքային ազդեցությամբ, ինչը նույնպես շատ կարևոր է:

8.      Ցիտրուսային մրգեր

Ցիտրուսային մրգերը հարուստ են վիտամին C-ով, որն էլ ակտիվացնում է օրգանիզմի պաշտպանական ուժերը:

9.      Ջուր

Քթի փակվածության դեպքում խորհուրդ է տրվում նաև հասարակ տաք ջուր խմել: Զարմանալի է, սակայն այս պարզ մեթոդը շատ արդյունավետ է:

10.  Սոխ

Սոխը քթի փակվածության դեմ պայքարի ամենահասանելի միջոցներից մեկն է: Այն պարունակում է մեծ քանակությամբ ֆիտոնցիդներ՝ բուսական ծագման նյութեր, որոնք ոչնչացնում են ախտածին բակտերիաները:

Նյութի աղբյուրը՝ healthinfo.ua