Խորհուրդներ գինեկոլոգներից, որոնք կօգնեն կանանց պահպանել առողջությունը ցուրտ օրերին

Ցուրտ եղանակը շատ վտանգավոր ժամանակահատված է կանանց համար: Այդ օրերին օրգանիզմի իմունային համակարգը թուլանում է և սրվում են բոլոր քրոնիկ բորբոքային գործընթացները: Վիճակն էլ ավելի չվատացնելու և շատ ավելի վտանգավոր հիվանդություններից խուսափելու համար հարկավոր է հետևել մասնագետների խորհուրդներին:

Ձեր ուշադրությանն ենք ներկայացնում մի քանի խորհուրդ գինեկոլոգներից, որոնց հետևելը կօգնի կանանց  պահպանել առողջությունը ցուրտ եղանակին:

1.    Կրել ճիշտ ներքնազգեստ

Ցուրտ եղանակին գինեկոլոգները խորհուրդ չեն տալիս անընդհատ կրել սեղմող ներքնազգեստ, քանի որ այն խանգարում է կոնքի հատվածում արյան շրջանառությունը: Լավագույն տարբերակը ամուր բամբակյա ներքնազգեստն ու ոչ շատ հաստ կրծկալն է: Ջերմային ներքնազգեստ հարկավոր է միայն դրսում աշխատելու դեպքում կամ ակտիվ հանգստի ժամանակ: Բացի այդ, հարկավոր է կրել ամուր բնական նյութերից պատրաստված զուգագուլպաներ և հրաժարվել սինթետիկ կտորներից:

2.    Չմրսել

Կանանց վերարտադրողական համակարգի համար ցուրտ եղանակը շատ վտանգավոր է, ուստի անհրաժեշտ է անպայման շատ ուշադիր լինել և կրել եղանակին համապատասխան հագուստ: Բացի այդ, ոչ մի դեպքում չի կարելի նստել սառը նստարաններին կամ չափազանց երկար ժամանակ անցկացնել դրսում կանգնած:

3.    Հետևել քաշին

Ցրտին շատ կանայք գիրանում են, իսկ քաշի տատանումները խախտում են հորմոնալ բալանսն ու դաշտանային ցիկլը: Ցուրտ եղանակին հարկավոր է հրաժարվել խիստ դիետաներից: Այս ամիսներին սննդակարգը փոխվում է, ինչի հետևանքով օրգանիզմն ավելի քիչ մանրաթելեր է ստանում: Այս ամենի հետևանքով առաջանում է փորկապություն, ինչն էլ ավելի է վատացնում իրավիճակը:

4.    Տաք հագնվել

Ինչպես արդեն նշվել է, մրսելը կարող է կործանարար լինել կանանց համար, ուստի ցուրտ եղանակին ցանկալի է մոռանալ կարճ շապիկների և առհասարակ բարակ հագուստի մասին: Մրսելու հետևանքով կարող է առաջանալ ցիստիտ կամ ձվարանների բորբոքում: Բացի այդ, չի կարելի կրել նեղ կոշիկ. դրանք դանդաղեցնում են արյան շրջանառությունը, իսկ սառած ոտքերը կարող են դառնալ երիկամներ հիվանդությունների պատճառ:

5.    Չի կարելի սառը վայրից գալ և միանգամից տաք ջրի մեջ մտնել

Այս հաճելի, սակայն վտանգավոր սովորությունը կարող է դառնալ բորբոքումների պատճառ: Փոխարենը հարկավոր է հագնել չոր տաք հագուստ և բրդյա գուլպաներ, խմել կոճապղպեղով տաք թեյ կամ դարչնով կապուչինո:

6.    Ձմռանը տաք երկրներում չհանգստանալ

Խիստ վտնգավոր է նաև միջավայրի կտրուկ փոփոխությունը: Բանն այն է, որ ակլիմատիզացիան կարող է առաջացնել դաշտանային ցիկլի խանգարումներ և նպաստել բորբոքային գործընթացների սրմանը:

7.    Խուսափել վարակներից հղիության ընթացքում

Հղի կանայք պետք է շատ ուշադիր լինեն: Առաջին հերթին՝ շատ վտանգավոր են մերկասառույցները: Բացի այդ, բարձր է նաև վիրուսային հիվանդությունների կամ բակտերիալ վարակների հավանականությունը, ինչը խիստ վտանգավոր է երեխայի համար: Այս ընթացքում հարկավոր է բնական եղանակներով բարձրացնել իմունիտետը, լավ սնվել և խուսափել հասարակական տրանսպորտից և այլ հասարակական վայրերից:

Մասնագետների այս խորհուրդները շատ կարևոր են և ոչ մի դեպքում չի կարելի անտեսել դրանք, քանի որ ցրտին շատ բարձր է լուրջ հիվանդությունների և նույնիսկ անպտղության հավանականությունը:

Նյութի աղբյուրը՝ sunny7.ua