Առողջական ինչ խնդիրների մասին կարող է հուշել ցանով չուղեկցվող քորը

13:06 • 21.11.18

Քորն առաջանում է մաշկի մակերեսային շերտերում ու լորձաթաղանթներում և դրսևորվում է թույլ արոցի ու ծակծկոցի զգացողությամբ: Այն կարող է լինել տեղային կամ տարածուն, սուր կամ քրոնիկական:

Քորը համարվում է մաշկային հիվանդությունների գլխավոր ախտանշանը և հաճախ ի հայտ է գալիս նաև համակարգային հիվանդությունների ժամանակ: Հիմնականում է լինում է մաշկային քոր, սակայն քորը կարող է նկատվել նաև բերանի խոռոչի լորձաթաղանթի, քթի, կոկորդի, շնչափողի, շաղկապենու կամ ցայլքի ու սեռական օրգանների հատվածում:

Շատ դեպքերում քորը կարող է չուղեկցվել ցանով: Առանց ցանի քորը նկատվում է հետևյալ հիվանդությունների ու վիճակների դեպքում.

· Քրոնիկական երիկամային անբավարարություն,

· Քրոնիկական սկլերոզող խոլանգիտ,

· Քրոնիկական հեպատիտ,

· Ենթաստամոքսային գեղձի գլխիկի քաղցկեղ,

· Առաջնային բիլիար ցիռոզ,

· Մեծ դուոդենալ պտկիկի խցանում քարով կամ ուռուցքով,

· Հիպերթիրեոզ,

· Հիպոթիրեոզ,

· Հիպերպարաթիրեոզ,

· Շաքարային դիաբետ,

· Կարցինոիդ համախտանիշ,

· Անեմիա երկաթ պակասորդային,

· Իրական պոլիցիտեմիա,

· Հոջկինի լիմֆոմա,

· Լիմֆոմայի այլ տեսակներ,

· Լոյկոզներ,

· Բազմակի միելոմա,

· Վալդենստրեմի մակրոգլոբուլինեմիա,

· Պարապրոտեինեմիա,

· Մաստոցիտոզ,

· Գլխուղեղի աբսցես,

· Գլխուղեղի ուռուցք,

· Իշեմիկ կաթված,

· Ցրված սկլերոզ,

· Վիսցերալ կարցինոմա,

· Շեգրենի համախտանիշ,

· Դերմատոմիոզիտ,

· Փսիխոզներ,

· Դեպրեսիաներ,

· ՄԻԱՎ վարակ,

· Մակաբույծներ,

· Հղիություն,

· Տարիք:

Քորը կարող է անվնաս լինել, սակայն լինում են դեպքեր, երբ այն վկայում է լուրջ մաշկային կամ համակարգային հիվանդության առկայության մասին: Սա է պատճառը, որ այս ախտանշանը ոչ մի դեպքում չի կարելի անուշադրության մատնել: Ցանով չուղեկցվող քորի դեպքում հարկավոր է դիմել մաշկաբանին, ալերգոլոգին, վարակաբանին կամ թերապևտին:

Նյութի աղբյուրը՝ eurolab.ua