7 տարածված մթերք, որոնք կարող են դառնալ փորլուծության պատճառ

Փորլուծությունը կարող է բավական տհաճ խնդիր դառնալ, ուստի մարդիկ փորձում են ազատվել դրանցից առաջին իսկ ախտանշանների դեպքում: Սակայն քչերը գիտեն, որ այս տհաճ խնդրից կարելի է հեշտությամբ խուսափել՝ պարզապես սննդակարգին հետևելով և սննդամթերքի որոշ տեսակներից հրաժարվելով:

Ձեր ուշադրությանն ենք ներկայացնում 7 մթերք, որոնք կարող են դառնալ փորլուծության առաջացման պատճառ:

1. Կծու համեմունքներ

Տարատեսակ կծու համեմունքները հաճախ են դառնում փորլուծության պատճառ: Հատկապես վտանգավոր են օրգանիզմի համար անսովոր համեմունքները: Դրանք գրգռում են ստամոքսի լորձաթաղանթը՝ դառնալով այրոց, փորափքանքի, գազերի և անգամ փորլուծության պատճառ:

2. Արհեստական քաղցրացուցիչներ

Շաքարի արհեստական փոխարինիչները խանգարում են մարսողական համակարգի ստորին հատվածի աշխատանքը, ուստի գրգռված աղիների համախտանիշի դեպքում մասնագետները խորհուրդ են տալիս հրաժարվել դրանցից՝ փորլուծությունից խուսափելու համար:

3. Կաթ

Կաթն ու կաթնամթերքը պարունակում են կաթնաշաքար (լակտոզա), որի նկատմամբ անհանդուրժողականությունը բավական տարածված երևույթ է: Այս խնդրի առկայության դեպքում կաթն ու կաթնամթերքը չեն յուրացվում՝ դառնալով փորլուծության պատճառ:

4. Սուրճ

Սուրճի մեջ պարունակվող կոֆեինը խթանում է ոչ միայն գլխուղեղը, այլև մարսողական համակարգը, իսկ եթե դրան ավելացվի նաև քաղցրացուցիչ ու կաթ, ապա զգայուն աղիների դեպքում փորլուծությունից խուսափելը դժվար կլինի:

5. Սխտոր ու սոխ

Սոխն ու սխտորը պարունակում են մեծ քանակությամբ չլուծվող մանրաթելեր, ինչպես նաև հյութեր, որոնք քայքայվելիս արձակում են ստամոքսի պատերը գրգռող գազեր: Բացի այդ, սոխն ու սխտորը պարունակում են ջրածնային համալիր, որը շատ դժվար է մարսվում: Այս ամենի հետևանքով դրանք հաճախ են դառնում փորլուծության պատճառ:

6. Բրոկոլի և ծաղկակաղամբ

Կաղամբի այս տեսակները պարունակում են մեծ քանակությամբ նուտրիենտներ ու բանջարեղենային մանրաթելեր: Թվում է, թե դրանք օգտակար են, մինչդեռ մարսողական համակարգը ոչ միշտ է կարողանում յուրացնել նման մեծ քանակությամբ մանրաթելերը: Պարբերաբար նման մթերք օգտագործելու դեպքում օրգանիզմը հեշտությամբ կմարսի դրանք, սակայն եթե դրանք «ծանոթ» չլինեն օրգանիզմին, ապա կարող են դառնալ փորլուծության պատճառ:

7. Արագ սնունդ

Որպես կանոն նման սնունդը հարուստ է լինում հագեցած ճարպերով, որոնք օրգանիզմը դժվարությամբ է յուրացնում: Արագ սնունդը սննդային որևէ արժեք չունի, ուստի այն ուղղակի դուրս է գալիս օրգանիզմից, սակայն երբեմն կարող է կուտակվել և դառնալ փորլուծության պատճառ:

Նյութի աղբյուրը՝ medikforum.ru