Պարզ բնական միջոց՝ իմունային համակարգի աշխատանքը խթանելու համար

20:19 • 28.11.18

Ձմռանը մարդու իմունային համակարգը հաճախ է թուլանում, ինչը կարող է դառնալ ինքնազգացողության վատացման պատճառ: Դիմադրողականության անկմանը կարող են նպաստել սթրեսները, վիտամին D-ի դեֆիցիտ, ինչպես նաև գրիպն ու մրսածությունը, սակայն կա մի հիանալի ըմպելիք, որը կօգնի ազատվել այս խնդրից:

Այս հիանալի բնական միջոցը մաքրում է օրգանիզմը տոքսիններից և իր օգտակար բաղադրիչների շնորհիվ խթանում է իմունային համակարգի աշխատանքը՝ պաշտպանելով օրգանիզմը տարատեսակ վիրուսներից, վարակներից և հիվանդությունների այլ հարուցիչներից:

Այս ըմպելիքը հարուստ է վիտամին C-ով, կապսաիցինով ու ֆերմենտներով, որոնց համադրությունը նվազեցնում է օրգանիզմում բորբոքային գործընթացների մակարդակը, բարելավում է մարսողությունը, ակտիվացնում է նյութափոխանակությունն ու բարձրացնում դիմադրողականությունը: Ձեր ուշադրությանն ենք ներկայացնում այս արդյունավետ միջոցի բաղադրատոմսը:

Անհրաժեշտ բաղադրիչներն են.

· 1 հատ նարինջ,

· 1 թեյի գդալ մեղր,

· Մի պտղունց կայենյան պղպեղ կամ չիլի պղպեղ,

· Մի պտղունց կոճապղպեղի փոշի,

· 1 բաժակ ջուր,

· Մի կտոր կիտրոն:

Պատրաստման եղանակը.

Նախ հարկավոր է նարինջը բաժանել երկու մասի և քամել դրա հյութը (ցանկության դեպքում կարելի է ավելի շատ նարնջի հյութ օգտագործել), այնուհետև ստացված հյութին ավելացնել նաև մեկ թեյի գդալ մեղր: Այնուհետև հարկավոր է ավելացնել պղպեղը, կոճապղպեղն ու կիտրոնը, լավ խառնել և ավելացնել նաև ջուրը:

Ստացված ըմպելիքը հարկավոր է խմել օրական մեk անգամ՝ նախաճաշից հետո, սակայն մինչ ճաշը: Լյարդը մաքրելու, երիկամները վերականգնելու և նյութափոխանակությունն ակտիվացնելու համար այս ըմպելիքը հարկավոր է խմել 3 օր: Ցանկության դեպքում բուժման կուրսը կարելի է կրկնել երկու շաբաթ անց:

Նյութի աղբյուրը՝ budetezdorovy.ru