Պարզ ու արդյունավետ խորհուրդներ՝ իմունային համակարգի ամրապնդման համար

14:15 • 10.12.18

Ձմռանը մարդու իմունային համակարգը հաճախ է թուլանում, ինչի հետևանքով հիվանդությունների հարուցիչների դեմ պայքարելն ավելի է բարդանում, սակայն կան բազմաթիվ արդյունավետ միջոցներ, որոնք կօգնեն բարձրացնել իմունիտետն ու խուսափել հիվանդություններից:

Ձեր ուշադրությանն ենք ներկայացնում դրանցից մի քանիսը:

1. Ուտեստներին սխտոր ավելացնել

Սխտորը պարունակում է կենսական նշանակություն ունեցող մի տարր՝ ալիցից, որն օգնում է պայքարել մրսածության, հազի ու զարկերակային բարձր ճնշման դեմ: Սակայն հարկ է հիշել, որ այս տարրն արտազատվում է միայն սխտորի պճեղները կտրելու կամ մանրացնելու դեպքում:

2. Օգտագործել պրոբիոտիկներ

Պրոբիոտիկները պահպանում են աղեստամոքսային տրակտում օգտակար բակտերիաների մակարդակը, ինչը շատ կարևոր է, քանի որ մարդու իմունային համակարգի մեծ մասը կենտրոնացած է աղիներում: Պրոբիոտիկներ ստանալու համար հարկավոր է սննդակարգում ներառել կաթնամթերք ու ֆերմենտավորված մթերք:

3. Կոճապղպեղով թեյ խմել

Կոճապղպեղն օրգանիզմի պաշտպանական հատկությունները խթանող հիանալի միջոց է: Այն հարուստ է A, C, B վիտամիններով, երկաթով, մագնեզիումով, ցինկով, կալցիումով և բուսական թթուներով, ինչի շնորհիվ օգնում է իմունային բջիջներին ավելի ակտիվ կերպով ոչնչացնել ախտածին բջիջները, վիրուսներն ու բակտերիաները:

4. Ընդունել վիտամին D

Այս կարևոր վիտամինն օրգանիզմն արտադրում է արևի ճառագայթների ազդեցության ներքո, ուստի ձմռանը մարդիկ հաճախ են բախվում վիտամին D-ի դեֆիցիտին: Այս դեպքում խորհուրդ է տրվում ուտել տավարի լյարդ, պանիր, ձվի դեղնուց, ինչպես նաև արհեստական ճանապարհով վիտամին D-ով հարստացված մթերք:

5. Սպորտով զբաղվել

Հետազոտությունները ցույց են տվել, որ ֆիզիկական ակտիվությունն օգնում է նվազեցնել սուր վարակիչ շնչառական հիվանդություններով վարակվելու հավանականությունն ավելի քան 20 %-ով: Սակայն ֆիզիկական ակտիվությունը չպետք է գերծանրաբեռնվածության ու սթրեսի պատճառ դառնա, ուստի պետք չէ չարաշահել:

Նյութի աղբյուրը՝ medikforum.ru