8 սովորություն, որոնք կարող են կործանարար լինել երիկամների համար

Երիկամները շատ մեծ նշանակություն ունեն և պատասխանատու են արյունը տոքսիններից մաքրելու և օրգանիզմում աղի ու ջրի բալանսի կարգավորման համար: Բացի այդ, դրանք նաև էրիթրոցիտներ են ստեղծում, կարգավորում են զարկերակային ճնշումն ու կանխում են վարակումները:

Սակայն ֆիզիկական ակտիվության պակասը, ծխախոտի ու ալկոհոլի գործածությունը, ինչպես նաև քնի պակասը կարող են լուրջ հետևանքներ ունենալ ու բացասաբար ազդել երիկամների ու ընդհանուր առողջական վիճակի վրա:

Ձեր ուշադրությանն ենք ներկայացնում այն սովորությունները, որոնք կարող են խիստ վնասակար լինել երիկամների համար:

1.      Ոչ բավարար քանակությամբ ջրի գործածություն

Օրվա ընթացքում բավարար քանակությամբ ջուր չխմելը կարող է խիստ վնասակար լինել երիկամների համար: Երիկամների հիմնական գործառույթը օրգանիզմից նյութափոխանակության հետևանքով կուտակված վնասակար նյութերի «լվացումն» ու էրիթրոցիտների ստեղծման գործընթացի կարգավորումն է: Երբ օրգանիզմը բավարար քանակությամբ ջուր չի ստանում, արյունը թանձրանում է և արյան շրջանառությունը դանդաղում է, ինչի հետևանքով խանգարվում է երիկամների աշխատանքն ու օրգանիզմում սկսում են տոքսիններ կուտակվել:

Հարկ է հիշել, որ հասուն մարդը պետք է օրական 10-12 բաժակ հեղուկ օգտագործի երիկամների առողջությունը պահպանելու և օրգանիզմը խոնավեցնելու համար:

2.      Լիքը միզապարկ

Երիկամների վնասման հիմնական պատճառներից մեկն է նաև միզապարկը ժամանակին չդատարկելու սովորությունը: Երբ մեզը երկար ժամանակ մնում է միզապարկում, այնտեղ սկսում են բազմանալ բակտերիաներ, իսկ այդ գործընթացը կարող է դառնալ միզուղիների կամ երիկամների վարակման պատճառ, ինչը խիստ վտանգավոր է: Բացի այդ, լիքը միզապարկը մեծացնում է երիկամների վրա գործադրվող ճնշումը, ինչը կարող է հանգեցնել երիկամային անբավարարության ու անմիզապահության:

3.      Մեծ քանակությամբ նատրումի գործածությունը

Նատրումը պարունակվում է աղի մեջ, որը մարդիկ հաճախ չարաշահում են: Մասնագետները նշում են, որ նատրիումի մեծ քանակությունը խիստ վտանգավոր է երիկամների համար, քանի որ դրանք գերծանրաբեռնվում են այս նյութը վերամշակելու ընթացքում: Սա է պատճառը, որ հարկավոր է հնարավորինս նվազեցնել աղի գործածությունը:

4.      Կոֆեինի գործածություն

Շատերը ծարավը հագեցնելու համար օգտագործում են ոչ թե մաքուր ջուր, այլ գազավորված ու ոչ ալկոհոլային ըմպելիքներ, որոնք մեծ քանակությամբ կոֆեին են պարունակում: Սակայն հարկ է հիշել, որ կոֆեինը նպաստում է արյան ճնշման բարձրացմանը, ուստի կարող է հանգեցնել երիկամների վնասման:

5.      Ցավազրկող դեղորայքի ոչ ճիշտ գործածություն

Ցավազրկողների գործածությունը շատ վատ սովորություն է, քանի որ դրանք կարող է շատ լուրջ կողմնակի բարդություններ առաջացնել: Բժիշկները նախազգուշացնում են, որ երկար ժամանակ նման դեղորայքի գործածության դեպքում դանդաղում է արյան շրջանառությունն ու վատանում է երիկամների աշխատանքը:

6.      Սպիտակուցներով հարուստ սննդակարգ

Սպիտակուցները շատ օգտակար են օրգանիզմի համար, սակայն կարմիր մսի և սպիտակուցներով հարուստ այլ սննդամթերքի չարաշահումը կարող է բարձրացնել երիկամների հիվանդությունների առաջացման հավանականությունը: Բանն այն է, որ կարմիր մսի գործածության հետևանքով երիկամները գերծանրաբեռնվում են, ուստի խորհուրդ է տրվում ոչ միայն նվազեցնել կարմիր մսի գործածությունը, այլև առհասարակ բացառել այն սննդակարգից երիկամների հետ կապված խնդիրների դեպքում:

7.      Գրիպ ու մրսածություն

Գրիպն ու մրսածությունը նույնպես չի կարելի անտեսել, քանի որ երիկամների հիվանդություններից տառապող մարդիկ, որոնք անգամ հիվանդանալու դեպքում են հրաժարվում հանգստից, շատ զգայուն են եղանակային փոփոխությունների հանդեպ, ուստի հաճախ են մրսում ու վարակվում:

8.      Ալկոհոլի չարաշահում

Ալկոհոլի, ինչպես նաև ծխախոտի չարաշահումը նույնպես կարող է խիստ վնասակար լինել երիկամների համար: Սակայն ալկոհոլը նաև նույնքան բացասաբար է ազդում լյարդի առողջության վրա:

Նյութի աղբյուրը՝ healthawarenessforall.com