Որոնք են քնի խանգարումների տեսակներն ու դրանց առաջացման պատճառները

19:44 • 23.12.18

Անքնությունը գիշերային քնի խանգարումների ընդհանուր անվանումն է: Սա լուրջ խնդիր է, որը կարող է զգալի վնաս հասցնել մարդու առողջությանը: Սակայն քնի խանգարումները կարող են բավական բազմազան լինել և պայմանավորված լինել առողջական տարբեր խնդիրներով:

Քնի խանգարումների դասակարգումը.

· Անքնություն (ինսոմնիա). խանգարում, որի դեպքում մարդը դժվարանում է քնի անցնել կամ պահպանել քունը:

· Հիպերսոմնիա. ախտաբանություն, որն ուղեկցվում է պաթոլոգիական քնկոտությամբ:

· Պարասոմնիա. ֆունկցիոնալ խանգարումներն են, որոնք կապված են քնի, քնի փուլերի և ոչ լիարժեք արթնացման(գիշերային վախեր, մղձավանջներ, լուսնոտություն և այլն) հետ:

· Հոգեսոմատիկ ինսոմնիա. անքնություն, որը շարունակվում է 3 շաբաթից քիչ և, որպես կանոն, պայմանավորված է մարդու հուզական վիճակով:

Անքնությունը կարող է պայմանավորված լինել նաև մի շարք լուրջ հիվանդություններով ու վիճակներով, ուստի այն ոչ մի դեպքում չի կարելի անտեսել, քանի որ հետևանքները կարող են անդառնալի լինել: Անքնության հանգեցնող խնդիրների շարքին կարող են դասվել.

· դեպրեսիաները,

· սթրեսային իրավիճակները,

· արթրիտը,

· սրտային անբավարարությունը,

· դեղամիջոցների առաջացրած կողմնակի բարդությունները,

· երիկամային անբավարարությունը,

· ասթման,

· քնի օբստրուկտիվ ապնոէն,

· հոգնած ոտքերի համախտանիշը,

· Պարկինսոնի հիվանդությունը (պարկինսոնիզմ),

· հիպերթիրեոզը:

Քնի խանգարումների դեպքում հարկավոր է շտապ միջոցներ ձեռնարկել վիճակն էլ ավելի չվատացնելու համար: Նման խնդիրների դեպքում խորհուրդ է տրվում դիմել հոգեբանի, նեֆրոլոգի, ռևմատոլոգի, սրտաբանի, նյարդաբանի կամ ներզատաբանի օգնությանը:

Քնի խանգարումների ժամանակ ոչ մի դեպքում չի կարելի զբաղվել ինքնաբուժությամբ, քանի որ դա կարող է խիստ վնասակար լինել առողջության համար: Հարկ է հիշել, որ միայն որակավորված մասնագետը կարող է ճիշտ ախորոշել հիվանդութունն ու նշանակել անհրաժեշտ բուժումը:

Նյութի աղբյուրը՝ eurolab.ua