Բնական դեղամիջոց՝ արթրիտը բուժելու և հոդացավերը մեղմելու համար

16:53 • 23.12.18

Արթրիտի դեպքում հիվանդին տանջող սաստիկ հոդացավերը մեղմելու համար հաճախ նշանակվում են հակաբորբոքային դեղամիջոցներ, սական շատ դեպքերում դրանք միայն ժամանակավոր են ազատում հիվանդության ախտանշաններից: Լինում են դեպքեր, երբ ախտորոշումից հետո նշանակված բուժումը բացարձակապես անարդյունավետ է լինում և մարդիկ ստիպված են լինում փնտրել բուժման այլընտրանքային միջոցներ:

Բարեբախտաբար գոյություն ունեն ժողովրդական տարբեր միջոցներ, որոնք ոչ միայն արդյունավետ են, այլև անվնաս: Ձեր ուշադրությանն ենք ներկայացնում մի բնական դեղամիջոց, որը կազատի ինչպես հիվանդության ախտանշաններից, այլև դրա ունեցած տհաճ հետևանքներից:

Բաղադրությունը.

· միջին չափի սմբուկներ,

· մեկ լիտր ջուր:

Պատրաստման եղանակը.

Հարկավոր է ջուրը եռացնել, սմբուկներն օղակաձև կտրատել և լցնել եռացող ջրով կաթսայի մեջ: Կաթսան վերցնել կրակից և բաղադրիչները թրմել, մինչև ջուրը սառի: Ստացված թուրմը քամել, դրա 250 մլ պահել արտաքին օգտագործման համար, իսկ 750-ը` ներքին:

Ներքին օգտագործման համար նախատեսված թուրմը պահել սառնարանում, իսկ արտաքին օգտագործման համար նախատեսված 250 մլ թուրմին ավելացնել նաև 50 մլ ձիթապտղի յուղ: Այս խառնուրդը նույնպես հարկավոր է պահել սառնարանում:

Օգտագործման եղանակը.

Ներքին օգտագործման համար նախատեսված թուրմի 250 մլ-ը հարկավոր է խմել առավոտյան սոված փորին, 250 մլ-ը` ճաշի ժամին, իսկ մնացած 250 մլ-ը՝ երեկոյան:

Արտաքին օգտագործման համար նախատեսված խառնուրդը անհրաժեշտ է կիրառել ամեն օր քնելուց առաջ: Պարզապես հարկավոր է քսել այն ախտահարված հատվածներին, մի փոքր շփել և ծածկել մաքուր կտորով:

Ընդամենը 20 օր այս միջոցն օգտագործելուց հետո հոդացավերն ու տհաճ զգացողություններն ամբողջությամբ կանհետանան, իսկ հոդերի շարժունակությունը կվերականգնվի:

Նյութի աղբյուրը` worldhealthguide.org