Բնական արդյունավետ միջոց, որը կօգնի ազատվել եղունգների սնկային հիվանդությունից

22:07 • 07.01.19

Եղունգների սնկային հիվանդությունը շատ տարածված խնդիր է, որից ազատվելը բավական դժվար է: Պաթոգեն սնկերը կարող են ախտահարել ոչ միայն եղունգները, այլև մաշկն ու մազերը, սակայն եղունգների ախտահարումն էսթետիկապես ամենատհաճն է:

Ինչպես ազատվել եղունգների սնկային հիվանդությունից տան պայմաններում

Ներկայում կան բազմաթիվ դեղամիջոցներ, որոնք կօգնեն բուժել այս հիվանդությունը, սակայն կան նաև շատ արդյունավետ բնական միջոցներ:

Նման բնական միջոցներից է խնձորի քացախը, որը ոչ միայն արդյունավետ է այլև հասանելի: Քացախն ախտահարված հատվածի շուրջ թթու միջավայր է ստեղծում, ինչի հետևանքով սնկերը զրկվում են սննդից և ոչնչանում:

Բացի այդ, կարելի է պատրաստել նաև մի յուրահատուկ խառնուրդ, որը կօգնի շատ արագ ազատվել սնկերից:

Բաղադրությունը.

· 2 հատ կիտրոն,

· 3 պճեղ սխտոր,

· 100 մլ ջուր,

· 1 ճյուղ խնկունի,

· 1 բաժակ խնձորի քացախ:

Օգտագործման եղանակը.

Կիտրոնները հարկավոր է կտրատել, իսկ սխտորը մաքրել: Այնուհետև ջուրը դնել կրակին և երբ այն եռա, ավելացնել նաև կիտրոնի կտորները, սխտորն ու խնկունին, մի քանի րոպե եփել ու վերցնել կրակից: Երբ ստացված թուրմը սառի, ավելացնել նաև քացախը և լավ խառնել:

Այս խառնուրդն օգտագործելուց առաջ հարկավոր է ախտահարված հատվածը լվանալ բնական օճառով և լավ չորացնել, քանի որ խոնավությունը կարող է լուրջ խնդիրներ առաջացնել: Այնուհետև հարկավոր է պարզապես մշակել ախտահարված հատվածն այս խառնուրդով:

Այս պրոցեդուրան հարկավոր է կրկնել օրական երկու անգամ՝ մինչև սնկերն անհետանան: Խառնուրդն անհրաժեշտ է լցնել ապակյա տարրայի մեջ և ամուր փակել կափարիչով:

Բացի այդ, հզոր հակասնկային հատկություններով է օժտված նաև նարդոսի (лаванда) եթերայուղը: Ախտահարումից ազատվելու համար պարզապես հարկավոր է մի քանի կաթիլ նարդոսի եթերայուղ քսել ախտահարված հատվածին և թողնել, որ այն չորանա: Այս պրոցեդուրան հարկավոր է կրկնել օրական 3 անգամ: Առավել լավ արդյունքի հասնելու համար անհրաժեշտ է բուժումը համատեղել հակասնկային սննդակարգի հետ:

Նյութի աղբյուրը՝ takprosto.cc