Արդյունավետ բնական միջոց սպիներից ու ձգվածքներից ազատվելու համար

22:16 • 20.01.19

Սպիներն ու ձգվածքները (растяжки) շատ տհաճ խնդիր են յուրաքանչյուրի համար և կարող են պայմանավորված լինել տարբեր պատճառներով ու առաջանալ մարմնի ցանկացած հատվածում: Սպիներ կարող են առաջանալ տարատեսակ վնասվածքների, այրվածքների կամ վիրահատությունների հետևանքով, իսկ ձգվածքները հաճախ պայմանավորված են լինում քաշի տատանումներով ու հղիությամբ:

Սպիներն ու ձգվածքները ոչ միայն բավական տհաճ են, այլև կարող են խիստ բացասաբար ազդել մարդու կյանքի որակի վրա և դառնալ բազմաթիվ բարդույթների առաջացման պատճառ: Որպես կանոն՝ դրանք պայմանավորված են լինում մաշկի ամբողջականության խանգարմամբ, ուստի մաշկի նախնական տեսքը վերականգնելը երբեմն բավական դժվար է լինում:

Ժամանակակից բժշկությունը թույլ է տալիս ազատվել սպիներից ու ձգվածքներից կամ դարձնել դրանք շատ ավելի քիչ նկատելի՝ անկախ դրանց առաջացման պատճառից, սակայն գոյություն ունեն ոչ միայն կոսմետիկ ու բժշկական պրոցեդուրաներ, այլև մի շարք բնական միջոցներ, որոնք նույնքան արդյունավետ են և օգնում են հարթեցնել ու ձգել մաշկը:

Ձեր ուշադրությանն ենք ներկայացնում է մի փորձված բնական քսուքի բաղադրատոմս, որը կօգնի ազատվել նույնիսկ հին սպիներից: Բացի այդ, սա հիանալի միջոց է՝ ձգվածքներից ազատվելու համար:

Բաղադրությունը.

· դդմի սերմեր,

· ձվի կեղև,

· ձիթայուղ կամ նշի յուղ:

Պատրաստման եղանակը.

Նախապես չորացրած ու մաքրած դդմի սերմերը սրճաղացով մանրացնել և խառնել մանրացրած ձվի կեղևին (1:1 հարաբերակցությամբ): Կարելի է պարզապես հավասար քանակությամբ բաղադրիչները լցնել կոտորակիչի մեջ և միասին մանրացնել, մինչև ստացվի համասեռ փոշի:

Այնուհետև հարկավոր է ստացված խառնուրդին ավելացնել այնքան բուսական յուղ, որ ստացվի թանձր մածուկ:

Ստացված խառնուրդը հարկավոր է օրական երկու անգամ քսել սպիի վրա և ծածկել այն բինտով: Այս պրոցեդուրան անհրաժեշտ է կատարել մեկ ամիս շարունակ, սակայն արդյունքն արդեն նկատելի կլինի ընդամենը երկու շաբաթ անց:

Նյութի աղբյուրը՝ takprosto.cc