Ինչ է սինուսիտը և որոնք են դրա առաջացման պատճառներն ու հիմնական ախտանշանները

16:21 • 22.01.19

Սինուսիտը քթի հարակից խոռոչների բորբոքումն է, որը, կախված բորբոքման հատվածից, կարող է լինել մի քանի տեսակի՝ հայմորիտ (վերին ծնոտի խոռոչի բորբոքում), ֆրոնտիտ (ճակատոսկրի ծոցի բորբոքում), էթմոիդիտ (մաղոսկրի բորբոքում) և սֆենոիդիտ (սեպոսկրի ծոցի բորբոքում):

Սինուսիտի առաջացման պատճառները

Սինուսիտը կարող է պայմանավորված լինել տարբեր գործոններով: Այն կարող է լինել ինչպես առանձին հիվանդություն, այնպես էլ ի հայտ գալ այլ հիվանդությունների ֆոնին: Բացի այդ, շատ մեծ նշանակություն կարող է ունենալ նաև օդի ջերմաստիճանի փոփոխությունը, քանի որ ցածր ջերմաստիճանը կարող դառնալ հիվանդության զարգացման պատճառ:

Հիվանդության ախտանշանները

Սինուսիտի հիմնական ախտանշանն այտերի և ճակատի հատվածում բավական ցավոտ զգացողություններն են, որոնք էլ ավելի են ուժեղանում սեղմելու դեպքում: Հարկ է հիշել, որ այս հիվանդության դեպքում ցավը կարող է տարածվել նաև ատամների հատվածում: Բացի այդ, հիվանդի մոտ կարող է նկատվել նաև քթի փակվածություն, հոտառության վատացում ու քթից արտադրություն:

Սինուսիտը բավական տարածված հիվանդություն է: Վիճակագրական տվյալների համաձայն՝ մոլորակի յուրաքանչյուր 10-րդ բնակիչը տառապում է հայմորիտից, մինչդեռ ոչ միշտ է պատշաճ ուշադրություն դարձնում հիվանդությանը: Սակայն մասնագետները զգուշացնում են , որ այս տարածված հիվանդությունը շատ վտանգավոր է, քանի որ դրա առաջացման պատճառը կարող է լինել ոչ միայն գերսառեցումը, այլև առողջական բավականին լուրջ խնդիրները:

Բացի այդ, հարկ է հիշել, որ հարբուխը պատշաճ կերպով չբուժելը նույնպես կարող է շատ վտանգավոր լինել՝ հանգեցնելով քրոնիկական սինուսիտի առաջացման, ուստի անհրաժեշտ է շատ ուշադիր լինել և ոչ մի դեպքում անուշադրության չմատնել նման խնդիրները:

Նյութի աղբյուրը՝ healthinfo.ua