Առողջական ինչ խնդիրներ կարող են առաջանալ պարօդոնտիտը ժամանակին չբուժելու դեպքում

20:21 • 25.01.19

Պարօդոնտիտը (հարատամնաբորբ) և գինգիվիտը (լնդաբորբ) համարվում են ատամների կորստի ամենատարածված պատճառները: Ընդ որում՝ այդ հիվանդությունները բավական տարածած են: Օրինակ՝ պարօդոնտիտից տառապում է մոլորակի բնակչության շուրջ 80%-ը:

Պարօդոնտիտը բորբոքային հիվանդություն է, որը չբուժելը կարող է հանգեցնել ատամների կորստի: Այս հիվանդության առաջացման հիմնական պատճառը մանրէներն են, որոնք կան յուրաքանչյուրի բերանի խոռոչում: Բերանի խոռոչի հիգենային սխալ հետևելու դեպքում սովորաբար ատամների վրա փառ է առաջանում, որը որոշ ժամանակ անց դառնում է ատամների և լնդերի միջև ճեղքի առաջացման պատճառ: Եթե մարդը ժամանակին չի ազատվում առաջացած ատամնափառից, ախտածին մանրէները ներթափանցում են առաջացած ճեղքի մեջ՝ ախտահարելով լնդերն ու ատամները:

Լնդերի հիվանդությունները հաճախ զարգանում են առանց ախտանշանների, ուստի մարդիկ կարող են երկար ժամանակ գլխի չընկնել խնդրի առկայության մասին: Հաճախ մարդիկ դիմում են բժշկին միայն այնպիսի լուրջ ախտանշանների դեպքում, ինչպիսին են արյունահոսությունը, լնդերի իջեցումը, ատամների միջև սև հետքերի առաջացումը, բերանի խոռոչի տհաճ հոտը, ատամների թեքվածությունը, սառը սննդի, ջրի և անգամ օդի հանդեպ գերզգայունությունը և այլն: Սակայն հարկ է հիշել, որ այս ախտանշաններն ի հայտ են գալիս իմունային համակարգի թուլացման դեպքում, ինչպես նաև այն ժամանակ, երբ օրգանիզմն այլև չի կարողանում ինքնուրույն պայքարել հիվանդության դեմ:

Սա է պատճառը, որ մասնագետները խորհուրդ են տալիս չմոռանալ պրոֆիլակտիկ բուժզննման մասին, որը թույլ կտա հայտնաբերել հիվանդությունը վաղ փուլերում և որոշել բուժման եղանակը: Գոյություն ունեն պերօդոնտիտի բուժման ինչպես թերապևտիկ մեթոդներ, այնպես էլ վիրահատական, սակայն այս հիվանդության դեպքում բուժման մեթոդն ընտրվում է՝ ելնելով պարօդոնտոլոգիական բուժզննման արդյունքներից:

Նյութի աղբյուրը՝ aif.ru