Որոնք են ձվարանների կիստաների առաջացման պատճառները, ախտանշաններն ու բուժման միջոցները

20:07 • 31.01.19

Ձվարանների կիստաները բավական տարածված են և ժամանակին չբուժելու դեպքում կարող են անդառնալի հետևանքներ ունենալ: Որպես կանոն կիստաները պայմանավորված են լինում էստրոգենի բարձր մակարդակով: Դրանք առաջանում են այն ժամանակ, երբ հորմոնն արտադրող ֆոլիկուլը չի քայքայվում և ձվազատում տեղի չի ունենում, այլ շարունակում է մեծանալ:

Որոշ դեպքերում ֆոլիկուլը հասունանում է և սկսում է ձվազատումը, սակայն այն լցված է լինում հեղուկով ու արյունով, ինչը կարող է դառնալ արյունազեղման ու սաստիկ ցավերի պատճառ: Նման դեպքերում այն կարող է զգալիորեն մեծանալ՝ հասնելով մինչև 4 սանտիմետրի:

Նման կիստաները բարորակ են լինում և ի հայտ են գալիս սեռահասուն կանանց ու աղջիկների մոտ: Սովորաբար դրանք որևէ բուժում չեն ենթադրում և ժամանակի ընթացքում անհետանում են առանց բժշկական միջամտության, սակայն ամեն դեպքում հարկավոր է շատ ուշադիր լինել:

Ախտանշանները

Ձվարանների կիստաները չեն դրսևորվում որևէ ակնհայտ ախտանշանով, սակայն որոշ դեպքերում կարող են նկատվել այնպիսի տհաճ խնդիրներ, ինչպիսին են.

· կոնքի հատվածի ցավերը,

· փորափքանքը,

· տհաճ զգացողություններով ու ցավով ուղեկցվող դեֆեկացիան:

Բուժման բնական միջոցներ

Այս տհաճ ախտանշանները կարելի է մեղմել կամ առհասարակ ազատվել դրանցից բնական բուժիչ միջոցների օգնությամբ: Կիստաների դեմ պայքարող լավագույն դեղաբույսերն են.

· Դարչինը. հարկավոր է դաշտանից առաջ 2 բաժակ դարչնով թեյ խմել, ինչը կօգնի քայքայել կիստաներն ու մեղմել ախտանշանները:

· Խատուտիկը. խատուտիկի թուրմն օգնում է ազատվել կիստաներից ու կարգավորել հորմոնալ ֆոնը: Հարկավոր է 2 թեյի գդալ խատուտիկի արմատներին ավելացնել 1 լիտր եռման ջուր, 1-2 ժամ թրմել թերմոսի մեջ, այնուհետև խմել օրական 3 բաժակ (գոլ վիճակում):

· Քաղցրարմատը (Солодка). այս բույսի թուրմը նույնպես օգնում է քայքայել կիստաները, սակայն այն հակացուցված է զարկերակային բարձր ճնշման դեպքում:

· Ռազինան (Фенхель). նման նորագոյացությունների առաջացումից խուսափելու համար հարկավոր է նաև ռազինա օգտագործել: Այն օգնում է ինչպես բուժել, այնպես էլ կանխարգելել հիվանդությունը:

Նյութի աղբյուրը՝ budetezdorovy.ru