Արդյունավետ բնական դեղամիջոց երակների վարիկոզ լայնացման բուժման ու կանխարգելման համար

16:15 • 06.02.19

Երակների վարիկոզ լայնացումը բավական տհաճ ու անցանկալի առողջական խնդիր է, որը կարող է լուրջ հետևանքներ ունենալ: Այս հիվանդության զարգացմանը կարող են նպաստել բազմաթիվ գործոններ, որոնց շարքին են դասվում գենետիկ նախատրամադրվածությունը, ծերացումը, կտրուկ հորմոնալ փոփոխությունները, արյան շրջանառության հետ կապված խնդիրները և այլն:

Բացի այդ, հիվադության զարգացման հարցում շատ մեծ նշանակություն են ունենում նաև մարդու սովորություններն ու կենսակերպը, ուստի բուժման համար հարկավոր է առաջին հերթին կարգավորել կենսակերպը:

Երակների վարիկոզ լայնացման դեպքում մարդիկ հաճախ դիմում են վիրաբույժին՝ փորձելով ազատվել խնդրից վիրահատական ճանապարհով, սակայն կա նաև մի պարզ, անվնաս և շատ ավելի հասանելի միջոց:

Ձեր ուշադրությանն ենք ներկայացնում մի բնական դեղամիջոց, որը կօգնի արդյունավետ կերպով բուժել ու կանխարգելել երակների վարիկոզ լայնացումը՝ առանց կողմնակի բարդություններ առաջացնելու:

Անհրաժեշտ բաղադրիչներն են.

· ½ բաժակ կտրատած գազար,

· ½ բաժակ հալե վերայի գել,

· խնձորի քացախ:

Պատրաստման ու օգտագործման եղանակը.

Առաջին հերթին հարկավոր է գազարն ու հալվե վերայի գելը խառնել և կոտորակիչով լավ մանրացնել, մինչև ստացվի համասեռ զանգված: Այնուհետև ավելացնել այնքան քացախ, որքան հարկավոր է քսուքանման զանգված ստանալու համար:

Պատրաստի քսուքն անհրաժեշտ է քսել ախտահարված հատվածներին, ոտքերը դնել բարձր տեղ և կես ժամ հանգստանալ, որից հետո հարկավոր է լվանալ ոտքերը սառը ջրով:

Այս միջոցն անհրաժեշտ է կիրառել ամեն երեկո, իսկ հնարավորության դեպքում օրական երկու անգամ: Բացի այդ, հարկավոր է նաև շատ զբոսնել, ինչը կօգնի բարելավել արյան շրջանառությունը:

Նյութի աղբյուրը՝ budetezdorovy.ru