Քաղցկեղի արտասովոր ախտանշաններ, որոնք տղամարդիկ ոչ մի դեպքում չպետք է անտեսեն

16:29 • 11.02.19

Բրիտանացի գիտնականները նշել են քաղցկեղի դեպքում տղամարդկանց մոտ ի հայտ եկող ամենատարածված ախտանշանները, որոնք հաճախ անտեսվում են: Բանն այն է, որ տվյալ ախտանշանները կարող են պայմանավորված լինել նաև այլ՝ շատ ավելի քիչ վտանգավոր հիվանդություններով, ուստի մարդիկ ոչ միշտ են ուշադրություն դարձնում դրանց:

Այնուամենայնիվ այդ ախտանշաններին ուշադրություն դարձնելը կօգնի հայտնաբերել քաղցկեղը զարգացման վաղ փուլում, ինչն էլ զգալիորեն բարձրացնում է բարեհաջող բուժման հավանականությունը:

Քաղցկեղի վաղ փուլերում տղամարդկանց մոտ ի հայտ եկող աշխատնշաններից գիտնականները խորհուրդ են տալիս առանձնահատուկ ուշադրություն դարձնել.

· մրսածությամբ ու շնչառական համակարգի այլ հիվանդություններով չպայմանավորված մշտական հազին,

· քաշի կտրուկ և անբացատրել կորստին,

· կրծքի այտուցվածությանը, ինչպես նաև այդ հատվածում ցանի, մանր վերքերի կամ վնասվածքների ի հայտ գալուն,

· ցավով ուղեկցվող միզարձակմանը,

· արյունոտ արտադրությանը,

· ամորձիների չափերի մեծացմանը:

«Նշված աշխատնշանների հայտնաբերման դեպքում պետք չէ խուճապի մատնվել, քանի որ դրանք կարող են լինել նաև այլ խնդրի ախտանշան: Սակայն միևնույն ժամանակ պետք չէ հետաձգել նաև բուժզննումը, քանի որ քաղցկեղի դեպքում հենց այս ախտանշաններն են տղամարդիկ հաճախ անտեսում», - նշում են մասնագետները:

Վիճակագրական տվյալներով՝ ամեն տարի քաղցկեղ ախտորոշմամբ տղամարդկանց թիվը մի քանի տոկոսով ավելի բարձր է լինում, քան կանանց թիվը: Բացի այդ, քաղցկեղից մահացության դեպքերը տղամարդկանց շրջանում նույնպես ավելի շատ են լինում, քան կանանց շրջանում, ինչը պայմանավորված է նրանով, որ տղամարդկանց մոտ հիվանդությունը հաճախ հայտնաբերվում է խորացած փուլերում: Սովորաբար կանայք որևէ ախտանշանի առկայության դեպքում անմիջապես բուժզննում են անցնում, մինչդեռ տղամարդիկ ամեն կերպ հետաձգում են դա:

Նյութի աղբյուրը՝ medikforum.ru