Ինչ է հայմորիտը և որոնք են դրա առաջացման պատճառներն ու ախտանշանները

18:48 • 14.02.19

Հայմորիտը սինուսիտի տեսակներից մեկն է, որի դեպքում բորբոքվում են վերին ծնոտի խոռոչները: Այս խոռոչները բրգաձև են և գրեթե հասնում են վերին ծնոտի վերջին ատամների արմատներին: Դրանք ունեն նաև ելք դեպքում քթի խոռոչ, սակայն այն բավական փոքր է (1-2 մմ):

Որոշ մարդկանց մոտ անատոմիական առանձնահատկությունների պատճառով վերին ատամների արմատները կարող են գտնվել նշված խոռոչներում, ինչը նշանակում է, որ այդ դեպքում դրանք ծածկված են լինում միայն բավականաչափ հաստ լորձաթաղանթով:

Հայմորիտի զարգացման պատճառները

Հայմորիտի առաջացման հիմնական պատճառը դեպի քթի խոռոչ տանող ելքի խցանումն է, որի դեպքում խոռոչներում կուտակված լորձը դուրս չի գալիս և բակտերիաների բազմացման հետևանքով սկսվում է վարակման ու բորբոքման գործընթացը: Խցանման պատճառները կարող են տարբեր լինել՝ պոլիպների առկայությունը, քթի միջնապատի հետ կապված խնդիրները և այլն: Այս դեպքում ամենատարածված գործոններից մեկը պոլիպների առկայությունն է, որոնք կարող են առաջանալ մրսածության կամ այլ ինֆեկցիոն հիվանդությունների արդյունքում, ինչն էլ հանգեցնում է բորբոքման ու այտուցվածության:

Հայմորիտի առաջացման մեկ այլ պատճառ կարող են դառնալ օրգանիզմում արդեն իսկ առկա վարակները, օրինակ՝ վերին (երբեմն նաև ստորին) ատամների կարիեսը:

Հայմորիտի ախտանշանները

Այս հիվանդության հիմնական ախտանշաններն են թուլությունը, գլխացավերը, քթի, քունքերի և այտոսկրերի հատվածի ցավը, իսկ երբեմն էլ գլխացավերը: Բացի այդ, բորբոքումների հետևանքով հաճախ նկատվում է նաև քթից թարախային արտադրություն, որը սովորաբար տհաճ հոտ է ունենում:

Հարկ է հիշել, որ հայմորիտը շատ վտանգավոր հիվանդություն է, քանի որ բորբոքվում են այն հատվածները, որոնք շատ մոտ են գտնվում գլխուղեղին: Սա է պատճառը, որ հայմորիտի բուժումը հարկավոր է հնրավորինս շուտ սկսել և անպայման ավարտին հասցնել, այլապես հիվանդությունը կարող է քրոնիկ բնույթ ստանալ և բարձրացնել մի շարք այլ վտանգավոր հիվանդությունների առաջացման հավանականությունը:

Նյութի աղբյուրը՝ healthinfo.ua