Ինչ է թութքը, որոնք են դրա առաջացման պատճառներն ու բուժման լավագույն բնական միջոցները

Թութքն այն հիվանդություններից է, որոնք մարդկությունը ձեռք է բերել նստակյաց կենսակերպ վարելու հետևանքով: Թութքի առաջացումը պայմանավորված է երակների վարիկոզ լայնացմամբ, թրոմբներով, թութքային երակների բորբոքմամբ ու թոթքային հանգույցների առաջացմամբ: Կախված հիվանդության ծանրության աստիճանից՝ բուժումը կարող է լինել ինչպես դեղորդայքային, այնպես էլ վիրահատական:

Հիվանդության առաջացմանը նպաստող հիմնական պատճառների շարքին են դասվում կոնքի հատակի մկանների թուլացումը, փոքր կոնքում արյան լճացումը, ծանրության բարձրացումը, ծանր ֆիզիկական աշխատանքը, որոշ սպորտաձևերը, հաստ աղիքում արյան հոսքի խանգարումը, բարորակ ու չարորակ նորագոյացությունները հաստ աղիքում, ալկոհոլի և համեմունքների չարաշահումը, ժառանգական նախատրամադրվածությունը և այլն:

Թութքի առաջացմանը նպաստող գործոններն են.

·         փորկապությունը, որը կարող է դառնալ ուղիղ աղիքի և անոթների պատերի բորբոքման պատճառ,

·         հղիությունը, որը կարող է նպաստել փորկապության առաջացմանը,

·         քրոնիկ փորլուծությունը, որը նույնպես կարող է դառնալ բորբոքումների պատճառ,

·         քիչ քանակությամբ մանրաթելեր պարունակող սննդակարգը,

·         նստակյաց կենսակերպը և այլն:

Թութքի հնարավոր հետևանքները

Թութքն այն հիվանդություններից է, որը ժամանակին չբուժելը կարող է դառնալ բազմաթիվ բարդությունների առաջացման պատճառ: Այս հիվանդությունը հաճախ ուղեկցվում է արյան կորստով, ինչը կարող է հանգեցնել սակավարյունության (անեմիա): Բացի այդ, ժամանակին քայլեր չձեռնարկելու դեպքում ցավն ավելի ու ավելի անտանելի է դառնում, իսկ արյան հոսքի խանգարումը կարող է անգամ հանգեցնել հյուսվածքների մեռուկի (գանգրենա):

Ինչպես պայքարել թութքի դեմ

Թութքի դեմ պայքարի լավագույն բնական միջոցներից մեկը երիցուկն է, որը կարելի է օգտագործել տարբեր եղանակներով: Կարելի է պարզապես ամեն երեկո քնելուց առաջ երիցուկով թեյ խմել (1 թեյի գդալ չորացրած երիցուկը 3-5 րոպե թրմել մի բաժակ ոչ շատ տաք ջրում), երիցուկի թուրմով լոգանք ընդունել (ավելացնել թուրմը լոգանքի ջրին (35-37 OC) և 15-20 րոպե լոգանք ընդունել), լվացումներ անել կամ օգտագործել թուրմը կոմպրեսների տեսքով:

Երիցուկն օժտված է հակաբորբոքային, հակաբակտերիալ, հակաալերգիկ, սպազմոլիտիկ ու հանգստացնող հատկություններով: Այն շատ արդյունավետ միջոց է թութքից ազատվելու համար, որը նվազեցնում է գրգռումների ու բորբոքումների մակարդակը և մեղմում է ցավն ու քորը:

Նյութի աղբյուրը՝ budetezdorovy.ru