Օգտակար խորհուրդներ, որոնք կօգնեն հեշտությամբ կարգավորել կամակոր երեխայի սննդակարգը

18:21 • 18.02.19

Երեխաների սննդակարգը մշակելը երբեմն բավական բարդ է լինում, քանի որ փոքրիկները սիրում են կամակորություններ անել: Ձեր ուշադրությանն ենք ներկայացնում մի քանի օգտակար խորհուրդ, որոնք կօգնեն հաղթահարել այս խնդիրն ու ստիպել կամակոր երեխաներին ճիշտ սնվել:

Հարկավոր է փորձել հասկանալ երեխայի պահվածքը. եթե երեխան պարզապես կամակորություն չի անում միայն կոնֆետ ու չիպս ուտելու համար, ապա հարկավոր է հասկանալ, թե ինչու է նա հրաժարվում այս կամ այն մթերքից: Ոչ մի դեպքում չի կարելի բղավել երեխայի վրա կամ պատժել նրան ապուրն ուտել չցանկանալու համար: Պարզապես հարկավոր է հասկանալ՝ որ օգտակար մթերքն է սիրում երեխան և հաճախ պատրաստել դրանով ուտեստներ, իսկ փոքրիկի չսիրած ուտեստը մատուցելու դեպքում՝ համադրել այն համեղ աղանդերի հետ: Հարկ է հիշել, որ եթե երեխան կտրականապես հրաժարվում է այս կամ այն օգտակար մթերքից, ապա միշտ կարելի է գտնել այլընտրանքային տարբերակ՝ հարստացնելով սննդակարգն անհրաժեշտ քանակությամբ սննդարար նյութերով:

Տալ օգտակար մթերքը քաղցած ժամանակ. եթե երեխան իսկապես քաղցած է, ապա մեծ է հավանականությունը, որ նա չի հրաժարվի անգամ այն մթերքից, որը սովորաբար չի ուտում: Սա հիանալի միջոց է երեխայի սննդակարգը մրգերով, բանջարեղենով կամ օգտակար ապուրներով ու շիլաներով հարստացնելու համար:

Ընտրության հնարավորություն տալ. հարկավոր է թույլ տալ, որ երեխան ունենա ընտրության հնարավորություն և ինքը որոշի, թե որ ժամին է ցանկանում սնվել: Եթե նա ուզում է ճաշել ժամը 14-ին կամ 15-ին, ապա պետք չէ ստիպել նրան ճաշել ավելի շուտ, այլապես սնունդն այնքան տհաճ կլինի, որ հաջորդ անգամ փոքրիկն ինքը չի ցանկանա ճաշել:

Օրվա ռեժիմ սահմանել. երբ պարզ է դառնում, թե օրվա որ ժամերին է երեխան ցանկանում սնվել, հարկավոր զգուշորեն սկսել սահմանել օրվա ռեժիմը: Սա կարելի է անել որևէ համեղ մթերքի միջոցով: Օրինակ՝ նա կարող է իր սիրելի աղանդերը ստանալ ճաշելուց անմիջապես հետո, իսկ ճաշը պետք է մատուցվի ամեն օր նույն ժամին:

Նյութի աղբյուրը՝ medikforum.ru