Որոնք են հիպոթիրեոզի հիմնական ախտանշանները և ինչպես կարելի է ազատվել դրանցից՝ խթանելով վահանագեղձի աշխատանքը

22:06 • 18.02.19

Վահանագեղձը մարդու ամենակարևոր օրգաններից է, որի աշխատանքի խանգարումն ազդում է ամբողջ օրգանիզմի վրա: Այս գեղձի ամենատարածված հիվանդություններից մեկը հիպոթիրեոզն է՝ վահանաձև գեղձի թերֆունկցիան, որի հիմնական ախտանշաններն են.

· մաշկի չորությունն ու մազաթափությունը,

· քաշի ավելացումը,

· թուլությունը, հոգնածությունն ու ուժերի պակասը,

· մկանային ջղաձգումները,

· դեպրեսիան, դյուրագրգիռությունն ու քնի խանգարումները,

· փորկապությունը,

· ցրտի հանդեպ զգայունությունը,

· հիշողության վատացումը,

· լիբիդոյի նվազումը:

Հիպոթիրեոզի բուժման սկզբունքները

Այս հիվանդության բուժման կարևորագույն սկզբունքներից մեկն օրգանիզմը բավարար քանակությամբ յոդով սնուցելն է, ինչպես նաև յոդ հիշեցնող քիմիական տարրերից խուսափելը: Բացի այդ, հարկավոր է խթանել գեղձի աշխատանքը հատուկ բույսերով, ինչը նշանակում է, որ միայն ճիշտ սննդակարգը բավարար չի լինի վահանագեղձի աշխատանքը կարգավորելու համար:

Ձեր ուշադրությանն ենք ներկայացնում մի հիանալի միջոց, որը կօգնի ակտիվացնել գեղձի աշխատանքն ու ազատվել հիպոթիրեոզի տհաճ ախտանշաններից:

Անհրաժեշտ բաղադրիչներն են.

· 400 մլ ջուր,

· 1 բաժակ լոռամրգի հյութ,

· ½ թեյի գդալ դարչնի փոշի,

· ¼ թեյի գդալ կոճապղպեղի փոշի կամ ½ թեյի գդալ թարմ կոճապղպեղ,

· ¼ թեյի գդալ մշկընկույզ (ոչ ավելի),

· 50 մլ նարնջի հյութ,

· 1 թեյի գդալ կիտրոնի հյութ:

Պատրաստման եղանակը.

Ջուրը եռացնել, ավելացնել կոճապղպեղը, դարչինն ու մշկընկույզը, թրմել 10-15 րոպե, այնուհետև քամել: Երբ թուրմը դառնա սենյակային ջերմաստիճանի, ավելացնել հյութերն ու լավ խառնել: Ընդունել խառնուրդն ամեն օր՝ ըստ անհրաժեշտության: Բուժման կուրսը հարկավոր է շարունակել մինչև ցանկալի արդյունքին հասնելը:

Այս ըմպելիքը ակտիվացնում է վահանագեղձի աշխատանքն ու նյութափոխանակությունը, ինչպես նաև բարելավում է մարսողությունն ու օգնում է նիհարել: Բացի այդ, այն հարուստ է վիտամիններով, որոնք խթանում են իմունային համակարգի աշխատանքն ու պաշտպանում են տարբեր հիվանդություններից:

Նյութի աղբյուրը՝ budetezdorovy.ru