Ինչպես տարբերել սրտամկանի ցավը հասարակ միջկողային նյարդացավից

19:15 • 19.02.19

Սրտամկանի ցավն ու միջկողային նյարդացավը (նևրալգիա) բավական նման են, ինչի հետևանքով մարդիկ հաճախ շփոթում են դրանք, սակայն այս խնդիրները տարբերելը շատ կարևոր է, քանի որ հակառակ դեպքում հետևանքները կարող են անդառնալի լինել: Մասնագետները ներկայացրել են այն հիմնական առանձնահատկությունները, որոնք կօգնեն տարբերել ցավի այս տեսակները և ժամանակին միջոցներ ձեռնարկել:

Հարկ է հիշել, որ սրտամկանի հետ կապված խնդիրների դեպքում որքան շուտ միջոցներ ձեռնարկվեն, այնքան մեծ է բուժման հավանականությունը: Սրտամկանի ցավն ունենում է մի քանի առանձնահատկություն, որոնք թույլ են տալիս ժամանակին տարբերել կաթվածի բարձր հավանականությունը նյարդացավից:

«Ցավը սրտի նոպայի ամենատարածված ախտանշանն է, որը տարբերվում է միայն այդ խնդրին բնորոշ առանձնահատկություններով: Եթե ցավն ի հայտ է գալիս պարբերաբար և չի մեղմվում երկար ժամանակ, ապա հարկավոր է հնարավորինս շուտ դիմել սրտաբանին», - նշում են բժիշկ Պավել Դերգոուսովը:

Սրտամկանի խնդիրներով պայմանավորված ցավը նյարդացավից տարբերվում է հետևյալ առանձնահատկություններով.

· ցավը կրծքավանդակի խորքում է,

· այն դրսևորվում այրոցով ու ճնշման զգացողությամբ,

· ցավն ավելի ուժգին է դառնում ծանրաբեռնվածության դեպքում,

· ցավը մեղմվում է հանգստի ժամանակ և նիտրոգլիցերինի ընդունումից հետո:

Մասնագետի խոսքով՝ եթե ցավոտ զգացողությունները չեն մեղմվում 20-30 րոպեում և անգամ ավելի են ուժգնանում, իսկ դեղամիջոցներն անօգուտ են լինում, ապա դա կարող է վկայել սրտամկանի կաթվածի շատ բարձր հավանականության մասին:

Սրտամկանի ցավը միջկողային նյարդացավից տարբերելու ևս մի ախտանշան է մարսողական համակարգի աշխատանքի խանգարումը: Եթե աղեստամոքսային տրակտի խնդիրներից չի հաջողվում ազատվել անգամ բուժումից հետո, ապա դրանք վկայում են սրտանոթային համակարգի խանգարումների մասին:

Նյութի աղբյուրը՝ medikforum.ru