5 արդյունավետ բնական միջոց ակնագարիկի բուժման համար

14:06 • 28.02.19

Ակնագարիկը շատ տարածված հիվանդություն է, որը դրսևորվում է կոպի ճարպագեղձի սուր թարախային բորբոքմամբ: Սա բավական ցավոտ ու տհաճ խնդիր է, որի առաջացման դեպքում հարկավոր է անմիջապես դիմել բժշկին՝ լուրջ բարդություններից խուսափելու համար:

Սովորաբար ակնագարիկի առաջացման դեպքում բուժումը նշանակում է բժիշկը, քանի որ ինքնաբուժությունը կարող է վտանագավոր լինել: Սակայն կան նաև բնական արդյունավետ միջոցներ, որոնք անվնաս են, չեն առաջացնում կողմնակի բարդություններ և օգնում են հեշտությամբ ազատվել այս խնդրից: Ձեր ուշադրությանն ենք ներկայացնում դրանցից մի քանիսը:

Կաթ ու քրքում

Քրքումն օժտված է մաշկի համար շատ օգտակար հակասնկային հատկություններով: Պարզապես հարկավոր է գոլ կաթին ավելացնել այնքան քրքում, որ ստացվի մածուցիկ զանգված, այնուհետև զգուշորեն քսել խառնուրդն ախտահարված հատվածին: Թողնել մածուկը 20 րոպե, այնուհետև լվացվել գոլ ջրով: Կրկնել պրոցեդուրան օրական 2-5 անգամ:

Մաղադանոս

Մի բուռ մաղադանոսը մոտ 10 րոպե թրմել եռման ջրի մեջ, այնուհետև քամել: Մաքուր կտորը թրջել ստացված թուրմով, դնել փակ կոպին և թողնել 15 րոպե: Մաղադանոսն օգնում է մաքրել աչքը տոքսիկ նյութերից, ինչն էլ նպաստում է արագ ապաքինմանը:

Սխտորի հյութ

Սխտորը հայտնի է իր բուժիչ ու հակամանրէային հատկություններով: Պարզապես հարկավոր է թարմ սխտորի հյութը զգուշորեն քսել ախտահարված մաշկին և թողնել 5 րոպե: Առավել լավ արդյունքի համար կարելի է սխտորի հյութը խառնել որևէ յուղին (1:1 հարաբերակցությամբ):

Սոխ

Շատ արդյունավետ է նաև սոխը: Անհրաժեշտ է աչքը փակել, այնուհետև սոխի կտորը դնել բորբոքված կոպին, թողնել 10 րոպե և լվացվել գոլ ջրով: Այս պրոցեդուրան կարող է մի փոքր ցավոտ ու տհաճ լինել, քանի որ կարող է գրգռել աչքերը, սակայն այն կօգնի արագացնել ապաքինման գործընթացը:

Թեյի փաթեթիկ

Թեյի փաթեթիկն ընկղմել եռացող ջրի մեջ, այնուհետև զգուշորեն դնել այն ախտահարված կոպին: Հարկ է հիշել, որ փաթեթիկը պետք է լինի միջին ջերմության՝ ո՛չ սառը, ո՛չ տաք:

Բուսական թեյերը, հատկապես երիցուկի թուրմը, օգնում են ազատվել թարախից ու վարակներից և մեղմում են ցավը:

Նյութի աղբյուրը՝ budetezdorovy.ru