Ինչ երազներ են մարդիկ տեսնում մահից առաջ. ուսումնասիրություն

15:49 • 06.03.19

Ամերիկացի գիտնականները ենթադրում էին, որ մահից առաջ մարդկանց երազներն ինչ-որ կերպ փոխվում են, ուստի այդ ենթադրությունը հաստատելու կամ հերքելու համար նրանք հարցումներ անցկացրել պալիատիվ բժշկության կենտորններում բուժվող ծանր հիվանդների շրջանում: Հետազոտության արդյունքները տպագրվել են «Պալիատիվ բժշկության ամսագրում»:

Շուրջ 10 տարի տևած ուսումնասիրությունն ու հարցումները ցույց են տվել, որ մահից առաջ մարդիկ իսկապես ավելի հաճախ որոշակի սյուժեով և ավելի ռեալիստական երազներ են տեսնում: Ընդ որում, այս երազների մանր դետալներն ավելի հստակ են լինում, իսկ դրանցից ստացած տպավուրությունները՝ շատ ավելի վառ:

«Նման երազների ամենատարածված սյուժեն մահացած հարազատների հետ հանդիպումն է, որոնք խոսում են մարդու հետ, սփոփում նրան և կանչում իրենց հետ: Լուրջ ախտորոշումներով երեխաները երազում խաղում են իրենց սատկած ընտանի կենդանիների հետ», - նշում են մասնագետները:

Հետազոտության արդյունքներից ելնելով՝ մասնագետները բաժանել են հիվանդների պատմությունները երեք հիմնական խմբի.

§ դեպքերի 59%-ում մարդիկ երազում պատրաստվում են ճանապարհորդության և այդ պատրաստությունների ընթացքում նրանց հետ են լինում հարազատներն ու բարեկամները, այդ թվում նաև մահացած: Ընդ որում, շփումը միշտ այնքան ջերմ է լինում, որ հեռանալու և բաժանվելու ցանկություն չի լինում:

§ հիվանդների 29%-ը երազում շփվում է իր ողջ հարազատների հետ: Ընդ որում, հաճախ այն հարազատների, որոնց մասին երկար ժամանակ չեն հիշել և չէին սպասում նրանց տեսնել:

§ եվս 28%-ը մահից որոշ ժամանակ առաջ երազում սեփական կյանքից դրվագներ է տեսնում: Այդ դրվագները, որպես կանոն, կապված են որևէ թանկ ու հարազատ բանի հետ, ուստի նման երազները շատ դրական հույզեր են տալիս:

Հետազոտության հեղինակները ենթադրում են, որ մահից առաջ մարդկանց տեսած երազները ծառայում են որպես յուրօրինակ մեխանիզմ, որն օգնում է հաշտվել մահվան անխուսափելիության հետ, և հանգստացնում է նրանց: