Առողջական ինչ խնդիրներ կարող են առաջանալ սեքսի բացակայության դեպքում

Սեքսը ոչ միայն դրական հույզեր է պարգևում, այլև շատ օգտակար է առողջության համար: Այն նվազեցնում է սթրեսի հորմոնի՝ կորտիզոլի մակարդակը, կարգավորում է զարկերակային ճնշումն ու բարելավում է աշխատունակությունը, մինչդեռ դրա բացակայությունը կարող է լուրջ խնդիրների պատճառ դառնալ:

Men's life-ը ներկայացնել է այն բացասական փոփոխությունները, որոնք օրգանիզմում տեղի են ունենում սեքսի բացակայության պատճառով:

Թուլանում է իմունային համակարգը

Փորձագետները ենթադրում են, որ սեքսի բացակայության դեպքում իմունային համակարգը կարող է զգալի թուլանալ: Այս դեպքում մարդը հաճախ է հիվանդանում, իսկ ապաքինվելու համար ավելի շատ ժամանակ է պահանջվում: Միևնույն ժամանակ՝ ակտիվ սեռական կյանք վարող մարդկանց մոտ իմունային համակարգը 33%-ով ավելի լավ է աշխատում:

Բարձրանում է սթրեսի մակարդակը

Սեքսը նպաստում է սերոտոնինի՝ երջանկության հորմոնի արտադրմանը, ուստի զարմանալի չէ, որ դրա բացակայության դեպքում այդ հորմոնի մակարդակը նվազում է, մինչդեռ բարձրանում է կորտիզոլի մակարդակը: Արդյունում մարդն ավելի զգայուն է դառնում և դժվարությամբ է հաղթահարում սթրեսային իրավիճակները:

Նկատվում է ինքնագնահատականի անկում

Սեքսի բացակայության դեպքում մարդիկ իրենց ավելի քիչ գրավիչ են զգում և հաճախ կորցնում են ինքնավստահությունը:

Ի հայտ են գալիս խնդիրներ՝ կապված սեռական գրգռման հետ

Ոչ հաճախակի և անկանոն սեքսով զբաղվելու դեպքում տղամարդկանց մոտ կարող են ի հայտ գալ խնդիրներ՝ կապված սեռական գրգռման հետ: Այս դեպքում էրեկցիան անգամ կարող է առհասարակ բացակայել:

Բարձրանում է շագանակագեղձում չարորակ ուռուցքների առաջացման հավանականությունը

Ամերիկացի ուրոլոգները ենթադրում են, որ սեքսի բացակայությունը կարող է դառնալ շագանակագեղձի քաղցկեղի առաջացման պատճառ:

Նկատվում է լիբիդոյի նվազում

Երկար ժամանակ սեռական ակտից հրաժարվելու դեպքում շատ հաճախ նկատվում է սեռական ցանկության ակնհայտ նվազում: Բանն այն է, որ մարդու գլխուղեղը «կարծում է», որ սեքսի բացականության դեպքում սեռական ցանկության անհրաժեշտություն նույնպես չկա, քանի որ այն միևնույն է չի բավարարվելու:

Թուլանում են հեշտոցի պատերն ու ի հայտ են գալիս գինեկոլոգիական հիվանդություններ

Սեքսի երկարատև բացակայության դեպքում կոնքի հատվածում արյունը սկսում է լճանալ, ինչը կարող է դառնալ տարատեսակ գինեկոլոգիական հիվանդությունների առաջացման պատճառ:

Առաջանում է հորմոնալ դիսբալանս

Հորմոնալ դիսբալանս կարող է  առաջանալ ինչպես կանանց, այնպես էլ տղամարդկանց մոտ: Տղամարդկանց մոտ հորմոնալ խանգարման դեպքում ի հայտ  են գալիս մաշկային խնդիրներ, անբացատրելի ագրեսիա և օբսեսիվ-կոմպուլսիվ խանգարում: Կանանց մոտ խնդիրը դրսևորվում է կոլագենի արտադրության նվազմամբ, ինչի արդյունքում արագանում է օրգանիզմի ծերացման գործընթացը:

Բացի այդ, սեքսի բացակայությունը բարձրացնում է ավելորդ քաշի կուտակման, ինչպես նաև անքնության և անգամ ալկոհոլային կախվախության զարգացման հավանականությունը: