Լավագույն բնական միջոցները հոդացավերը մեղմելու համար

Արթրիտը բավական ցավոտ ու տհաճ հիվանդություն է, որի ախտանշաններից ազատվելու համար սովորաբար մասնագետները հատուկ դեղորայք են նշանակում, սակայն կան նաև բնական միջոցներ, որոնք կարող են զգալիորեն մեղմել հոդացավերը և անգամ կանխել արթրիտի հետագա զարգացումը:

Ձեր ուշադրությանն ենք ներկայացնում 5 բնական միջոց, որոնք շաբաթական 2-3 անգամ կիրառելու դեպքում արդյունավետ կերպով կազատեն ցավից:

Նռան հյութ

Նուռը հարուստ է մանրաթելերով, վիտամին K-ով, կալիումով, ֆոլատով ու պղնձով: Բացի այդ, այն պարունակում է հագեցած ճարպեր, խոլեստերին, նատրիում ու հսկայական քանակությամբ վիտամին C: Իր այս օգտակար բաղադրիչների շնորհիվ այն նվազեցնում է ռևմատոիդ արթրիտից տառապողների հոդերի զգայունությունը ավելի քան 60%-ով՝ մեղմելով ցավը: Բացի այդ, այն պարունակում է ֆերմենտ, որը կանխում է աճառային հյուսվածքների քայքայումը:

Մրգային խառնուրդ

Նուռը շատ օգտակար է նաև այլ օգտակար բաղադրիչների հետ համադրելու դեպքում:

Անհրաժեշտ է.

• ½ բաժակ բալ,
• ½ նուռ,
• 1 հատ խնձոր,
• 1-2 շերտ արքայախնձոր:

Օգտակար խառնուրդը պատրաստելու համար պարզապես հարկավոր է բոլոր բաղադրիչները կոտորակիչով խառնել մինչև ստացվի համասեռ զանգված:

Արքայախնձորը պարունակում է բրոմելայն, որը հիանալի միջոց է բորբոքումների դեմ պայքարելու և հոդացավերը մեղմելու համար:

Գազարով ու նեխուրով ըմպելիք

Անհրաժեշտ է.

• 1 հատ գազար,
• 2 հատ նեխուր (ցողուն),
• 1-2 շերտ արքայախնձոր,
• 200 մլ ջուր:

Ըմպելիքը պատրաստելու համար պարզապես հարկավոր է բոլոր բաղադրիչները կոտորակիչով խառնել մինչև ստացվի համասեռ զանգված:

Կանաչ թեյ

Կանաչ թեյը պարունակում է շատ օգտակար մի քիմիական միացություն՝ կվերցիտին, որն ազդում է ինչպես հզոր հակաօքսիդանտ ու հակաբորբոքային միջոց, ինչի շնորհիվ էլ նվազեցնում է ռևմատոիդ արթրիտի զարգացման հավանականությունն ու մեղմում է հոդացավերը:

Կոճապղպեղով թեյ

Հոդացավերը մեղմող և բորբոքումների մակարդակը նվազեցնող հիանալի միջոց է նաև կոճապղպեղը, որը կարելի է օգտագործել թեյի տեսքով: Պարզապես կարելի է մանրացրած կոճապղպեղը թրմել տաք ջրում կամ ավելացնել կանաչ թեյին:

Վիտամին С

Բացի այդ, հոդացավերը կարելի է մեղմել նաև բավարար քանակությամբ վիտամին C ընդունելով, ուստի հարկավոր է հարստացնել սննդակարգն այս վիտամինով հարուստ մրգերով ու բանջարեղենով:

Նյութի աղբյուրը՝ budetezdorovy.ru