Որ դեպքերում է սրտի հատվածի ցավը վկայում այլ օրգանների հետ կապված խնդիրների մասին

13:50 • 11.03.19

Սրտամկանի ցավը շատ դեպքերում կարող է խաբուսիկ լինել, քանի որ երբեմն այն բնավ կապված չէ սրտանոթային համակարգի խնդիրների հետ: Մասնագետները ներկայացրել են, թե որ դեպքերում է սրտամկանի հատվածի ցավը վկայում բոլորովին այլ խնդրի մասին:

Կրծքային ռադիկուլիտ

Այս հիվանդության դեպքում հիվանդներին տանջում սրտամկանի հատվածի ցավը, մինչդեռ սրտի խնդիրների համար նախատեսված դեղամիջոցները չեն մեղմում ցավը: Այս դեպքում ցավը կարող է ուժեղանալ կամ մեղմվել կռանալու, իրանը թեքելու, խորը շնչելու կամ ձեռքերը շարժելու դեպքում:

Նևրոզ

Նևրոզներից տառապող մարդիկ հաճախ են գանգատվում սրտամկանի հատվածի ցավից: Այս դեպքում ցավը ծակող է կամ մղկտուն: Սովորաբար նոպաներն ինքնաբուխ են լինում, ոչ երկարատև և արտահայտվում են միայն մի փոքր հատվածում:

Փորափքանք

Փորափքանքը նույնպես կարող է դառնալ սրտամկանի հատվածի ցավի պատճառ: Բժիշկների խոսքով՝ սա պայմանավորված է նրանով, որ ֆիզիկական ճնշումը կարող է դառնալ սրտի որոշ գործառույթների խանգարման պատճառ:

Մարսողական խնդիրներ

Այս խանգարումները նույնպես նպաստում են սրտի հիվանդություններին բնորոշ ցավի առաջացմանը, մինչդեռ այն իրականում ոչ մի կապ չունի սրտամկանի հետ: Սրտամկանի կաթվածի ցավին նմանվող ցավի պատճառ կարող են դառնալ ստամոքսի և ենթաստամոքսային գեղձի հիվանդությունները, որևէ սննդի ընդունումը կամ քաղցը:

Ողնաշարի հետ կապված խնդիրներ

Սրտամկանի հատվածի ցավը կարող է ի հայտ գալ նաև օստեոխոնդրոզների, ողնաշարի ծռումների, նյարդերի սեղմվելու և նմանատիպ այլ խնդիրների ֆոնին: Սա կարող է բավական լուրջ խնդիր լինել, ուստի այն չի կարելի անտեսել:

Սրտամկանի հատվածի ցավը կարող է պայմանավորված լինել ամենատարբեր խնդիրներով, որոնցից որոշներն անգամ շատ վտանգավոր չեն, սակայն պետք չէ մոռանալ, որ այն կարող է վկայել նաև սրտանոթային լուրջ հիվանդությունների մասին, որոնք անտեսելը կարող է ճակատագրական լինել:

Նյութի աղբյուրը՝ medikforum.ru