13 ախտանշան, որոնց առկայության դեպքում հարկավոր է անհապաղ բուժզննում անցնել

10:34 • 11.03.19

Մարդկային օրգանիզմը միշտ հուշում է խնդիրների առկայության մասին, սակայն երբեմն այդ հուշումներն անկարևոր են թվում և մարդիկ դրանք անտեսում են: Սա կարող է անդառնալի հետևանքներ ունենալ, ուստի մասնագետները նշել են այն վտանգավոր ախտանշանները, որոնք ոչ մի դեպքում չի կարելի անուշադրության մատնել:

· Կրծքավանդակի ցավը, որը տարածվում է նաև ձեռքի կամ ծնոտի հատվածում, շատ հաճախ սրտի նոպայի ախտանշան է:

· Աչքերից մեկի կարմրությունն ու ցավը, որը որևէ պատճառ չունի, կարող է վկայել սուր փակ անկյուն գլաուկոմայի մասին, որը կարող է հանգեցնել տեսողության կորստի:

· Կտրուկ և չափազանց ուժեղ գլխացավը կարող է վկայել ներուղեղային արյունազեղման մասին:

· Ոտքերի մկանային ցավերը կամ հաճախակի ջղաձգումները թրոմբի առկայության հավանական ախտանշան են: Եթե թրոմբը հայտնվի թոքերում հետևանքներն անդառնալի կլինեն:

· Սնունդը կուլ տալիս անհանգստացնող սուր ցավոտ զգացողությունները վկայում են կերակրափողի քաղցկեղի կամ կյանքի համար վտանգավոր խոցի մասին:

· Քրոնիկ խռմփոցը հուշում է սրտանոթային հիվանդությունների բարձր հավանականության կամ նշագեղձերի մեծացման մասին:

· Փորկապությունն ու որովայնի ցավերը հաճախ պայմանավորված են լինում աղիների անանցանելիությամբ, ինչը կարող է դառնալ դրանց վնասվածքի պատճառ:

· Մարմնի կամ դեմքի միայն մի հատվածի թուլությունը գլխուղեղի կաթվածի ակնհայտ ախտանշանն է:

· Տեսողության կտրուկ վատացումը ոչ միշտ է կապված աչքերի հետ: Հաճախ սա վկայում է շաքարային դիաբետի կամ զարկերակային բարձր ճնշման մասին:

· Խալի կամ պեպենների արտաքին փոփոխությունը կարող է պայմանավորված լինել մաշկի քաղցկեղով:

· Նույնը վերաբերում է նաև կանանց կրծքին: Ցանկացած արտասովոր փոփոխության դեպքում հարկավոր է բուժզննում անցնել:

· Մեզի մեջ արյան հետքերը վկայում են միզապարկի կամ երիկամների հետ կապված լուրջ խնդիրների մասին: Այս դեպքում խնդիրը կարող է պայմանավորված լինել վարակով կամ ուռուցքով:

· Քաշի կտրուկ անբացատրելի կորուստը կարող է պայմանավորված լինել հորմոնալ դիսբալանսով կամ օնկոլոգիական հիվանդություններով:

Նյութի աղբյուրը՝ Life.ru