7 պատճառ, որոնցով կարող է պայմանավորված լինել վիտամին D-ի դեֆիցիտը

12:43 • 13.03.19

Օրգանիզմում վիտամին D-ի պակասը ոչ միայն թուլացնում է ոսկորները, այլև բարձրացնում է մի շարք խանգարումների առաջացման հավանականությունը, որոնց թվին են դասվում զարկերակային բարձր ճնշումը, երկրորդ տիպի շաքարային դիաբետը, գլխուղեղի և սրտամկանի կաթվածները, ընկճախտը, բրոնխիալ ասթման, մետաբոլիկ խանգարումները, ճարպակալումը, թուլամտությունն ու աուտոիմունային հիվանդությունները:

Առողջական նման լուրջ խնդիրներից խուսափելու համար հարկավոր է միշտ վերահսկողության տակ պահել օրգանիզմում այս կարևոր տարրի մակարդակը, ուստի մասնագետները նշել են այն պատճառները, որոնցով կարող է պայմանավորված լինել վիտամին D-ի ցածր մակարդակը:

Դիետաներ. չափազանց խիստ սննդակարգն ու մեծ թվով սահմանափակումները վիտամին D-ի դեֆիցիտի հիմնական պատճառներից են: Հատկապես վտանգավոր է ճարպերի խիստ սահմանափակումը:

Տարիք (50-ից բարձր). 50 տարեկանից հետո մարդու մաշկն արդեն ի վիճակի չի լինում սինթեզել բավարար քանակությամբ խոլեկալցիֆերոլ՝ D3 նախավիտամին:

Ճարպակալում. չնայած, որ վիտամին D ստանալու համար օրգանիզմին ճարպեր են հարկավոր, ճարպի չափազանց մեծ քանակությունը կարող է դառնալ վիտամին D-ի դեֆիցիտի պատճառ: Բանն այն է, որ այս վիտամինը լուծվում է յուղային միջավայրում, սակայն որքան շատ ճարպ կա օրգանիզմում, այնքան ավելի շատ է այն լուծվում:

Աղիների կամ երիկամների քրոնիկ հիվանդություններ. Կրոնի հիվանդությունից, ցելիակիայից կամ աղիների բորբոքային հիվանդություններից տառապող մարդկանց մոտ հաճախ է նկատվում այս վիտամինի դեֆիցիտ: Բանն այն է, որ նմանատիպ հիվանդությունները խանգարում են ճարպերի ներծծման գործընթացը, ինչն էլ ազդում է վիտամին D-ի մակարդակի վրա:

Ալկոհոլի չարաշահում. այս վիտամինի դեֆիցիտն առավել վառ է արտահայտված ալկոհոլը չարաշահող անձանց մոտ: Եթե ալկոհոլ է օգտագործում հղի կինը, ապա վիտամին D-ի դեֆիցիտ է նկատվում պտղի մոտ:

Արդյունաբերական թաղամասերում ապրելը. հետազոտությունները ցույց են տվել, որ արդյունաբեական թաղամասերում օդի աղտոտվածության հետևանքով ուլտրամանուշակագույն ճառագայթները չեն հասնում մարդկանց, իսկ առանց այդ ճառագայթների օրգանիզմում վիտամին D չի սինթեզվում:

Գիշերային աշխատանք. գիշերային կենսակերպի դեպքում մարդը սովորաբար քնում է օրվա ընթացքում, ինչի պատճառով զրկվում է արևի ճառագայթներից, որոնց ազդեցության ներքո օրգանիզմում վիտամին D է սինթեզվում:

Նյութի աղբյուրը՝ medikforum.ru